ଧର୍ମଗଡ/ଜୟପାଟଣା,୨୮/୫ : କିଛି ଦିନ ହେଲା କାଳବୈଶାଖୀର ତାଣ୍ଡବରେ ଭିତତ୍ରସ୍ଥ ହୋଇପଡିଛନ୍ତି କଳାହାଣ୍ଡି ଜନତା । କିଏ କିଛି ବୁଝିବା ଆଗରୁ ହଟାତ ଆସି ଜନଜୀନକୁ ନଷ୍ଟକରି ଆତଙ୍କର ବାତାବରଣ ସୃଷ୍ଟିକରି ଚାଲିଯାଉଛି କାଳବୈଶାଖୀ । ଜିଲ୍ଲାର ୧୩ଟି ଯାକ ବ୍ଲକରେ କାଳବୈଶାଖୀ ତା’ର ଉତ୍ପାତ ଜାରି ରଖିଥିବାବେଳେ ଗତକାଳି ଜୟପାଟଣା ବ୍ଲକର ବିଭିନ୍ନ ଅଞ୍ଚଳରରେ ପ୍ରଭୂତ କ୍ଷୟ କ୍ଷତି କରିଛି । ବ୍ଲକର ଉଛୁଳା ଗ୍ରାମ ପଞ୍ଚାୟତ ଅଧିନସ୍ଥ ଘଣ୍ଟିଗୁଡ଼ା ଗ୍ରାମର ଲକ୍ଷ୍ମୀ ବେୱାଙ୍କ ଘରର ଛାତ (ଆଜବେଷ୍ଟସ୍ ) ଏହିରି ପ୍ରଭାବରେ ଉଡିଯାଇ ନଷ୍ଟ ହୋଇଯାଇଛି । ଲକ୍ଷ୍ମୀ ଜଣେ ଅସହାୟ ବିଧବା ସ୍ତ୍ରୀ ଲୋକ ଏବଂ ତାଙ୍କର ଦୁଇ ଛୋଟ ପୁଅ ସହ କଷ୍ଟରେ ଜୀବନ ନିର୍ବାହ କରୁଛନ୍ତି ତେଣୁ ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ।