ଧର୍ମଗଡ,୧୧/୬ : କଳାହାଣ୍ଡିରେ ପୁଣି ଦାଦନ ଦୂଃଖ । ପେଟପାଟଣା ପାଇଁ ପରଦେଶି ହୋଇଥିବା ଜଣେ ଶ୍ରମିକ ଗାଁକୁ ଫେରୁଥିବା ସମୟରେ ଆନ୍ଧ୍ର ପ୍ରଦେଶର ଏକ ଷ୍ଟେସନରେ ଟ୍ରେନରୁ ପଡି ମୃତ୍ୟୁବରଣ କରିଛନ୍ତି । ଯାହା କଳାହାଣ୍ଡି ଦାଦନ ମୃତ୍ୟୁ ଖାତାରେ ପୁଣିଏକ ପୃଷ୍ଠା ଯୋଡି ଦେଇଛି । ପ୍ରାପ୍ତ ସୂଚନାରୁ ପ୍ରକାଶଯେ, ଗୋଲାମୁଣ୍ଡା ବ୍ଲକ କଣ୍ଟାମାଲ ଗ୍ରାମର କମ୍ବୁ ମାଝୀ (୪୦) ଇଟା ଭାଟିରେ ଦାଦନ ଖଟିବାକୁ ଆନ୍ଧ୍ର ପ୍ରଦେଶ ଯାଇଥିଲେ । ସେଠାରେ କିଛିମାସ କାମଦାମ କରିବାପରେ ପୁଣି ଗାଁକୁ ଫେରୁଥିଲେ । ହାଇଦ୍ରାବାଦ ରେଳଷ୍ଟେସନରୁ ନିଜ ଗ୍ରାମ କଣ୍ଟାମାଲକୁ ଫେରୁଥିବା ସମୟରେ ଆନ୍ଦ୍ରପ୍ରଦେଶ ର ତୁନି ରେଲୱେ ଷ୍ଟେସନ ନିକଟରେ ଟ୍ରେନରୁ ପଡିଯାଇ ମୃତ୍ୟୁ ମୂଖରେ ପଡିଥିବା ଜଣା ପଡ଼ିଛି।
ତାଙ୍କ ପରିବାର ଅତି ଗରିବ ହୋଇଥିବାରୁ ଘରକୁ ଶବ ଆଣିବା ପାଇଁ ଅକ୍ଷମ ଅଟନ୍ତି । ତେବେ ଯେମିତି ହେଲେ ମଧ୍ୟ ଶବକୁ ଗାଁକୁ ଆଣି ସଂସ୍କାର କରିବାକୁ ପଡିବ, ତେଣୁ ଚିନ୍ତିତ ଅଛନ୍ତି ଏହି ଗରିବ ପରିବାର । ଜିଲ୍ଲା ପ୍ରଶାସନ ଏଦିଗରେ ସହଯୋଗ କରି ଶବ ଆଣିବାରେ ସାହାଯ୍ୟ କରିବାକୁ ମୃତକଙ୍କ ପରିବାର ତଥା ଅଞ୍ଚଳବାସୀ ଅନୁରୋଧ କରିଛନ୍ତି ।
ଧର୍ମଗଡ ଉପଖଣ୍ଡ ପ୍ରତିନିଧି ଲବଣି ରାଉତ ଓ ସ୍ବତନ୍ତ୍ର ପ୍ରତିନିଧି ଡିଜି ପ୍ରଧାନୀଙ୍କ ରିପୋର୍ଟ odiabarta.in
For latest news & updates, click on bell button and subscribe to notifications.
Like us on Facebook👇
