ଓଡ଼ିଆ ବାର୍ତ୍ତା/ କାଶୀପୁର (ଆଲାରାମ ଭାତ୍ରା): ରାୟଗଡ଼ା ଜିଲ୍ଲା କାଶୀପୁର ଥାନା ଅନ୍ତର୍ଗତ ଶିରିପାଇ ଗ୍ରାମ ପଞ୍ଚାୟତର ପୁକିଝୋଲା ଗ୍ରାମରେ ଆଜି ଦ୍ବୀପହର ସମୟରେ ଏକ ଟ୍ରାକ୍ଟର ଓଲଟି ଜଣଙ୍କର ମୃତ୍ୟୁ ହେଇଛି । ଘଟଣାରେ ଅନ୍ୟ ୩ଜଣ ଗୁରୁତର ଆହତ ହୋଇଛନ୍ତି, ସେମାନଙ୍କୁ କାଶୀପୁର ମେଡ଼ିକାଲ ରେ ଭର୍ତ୍ତି କରାଯାଇଛି । ମୃତ ବ୍ୟକ୍ତି ଜଣକ ପୁକିଝୋଲା ଗ୍ରାମର ରହିଣୀ ମାଝି (୫୦)ବୋଲି ଜଣାପଡିଛି । ଘଟଣା ର ପ୍ରତକ୍ଷ ଦର୍ଶୀଙ୍କ ସୂଚନା ପ୍ରକାରେ ରହିଣୀଙ୍କୁ ଇନ୍ଦିରା ଆବାସ ଯୋଜନାରେ ଏକ ଘର ଆବଣ୍ଟନ ହେଇଛି । ନିର୍ମାଣ ହେବାକୁ ଥିବା ଘର ଏକ ଡଙ୍ଗର ଉପରେ ପୁଣି ଉକ୍ତ ସ୍ଥାନକୁ ଯିବାକୁ ଏକ ଏନଆରଇଜିଏ ଯୋଜନାରେ ନିର୍ମାଣ ହେଇଥିବା ମାଟି ରାସ୍ତା ଉପରେ ନିର୍ଭର କରିଥାନ୍ତି । ଘର ନିର୍ମାଣ କାର୍ଯ୍ୟ ନିମନ୍ତେ ଆଜି ରହିଣୀ ମାଝି ତାଙ୍କ ପରିବାର ର ଅନ୍ୟ ୫ ସଦସ୍ୟ ନେଇ ମାରିଭଟା ଗ୍ରାମ ର ଏକ ଟ୍ରାକ୍ଟର ଯୋଗେ ବାଲି ପରିବହନ କରୁଥିଲେ । ହେଲେ ନିର୍ମାଣ କାର୍ଯ୍ୟ ଚାଲୁଥିବା ଆବାସ ଘର ଟି ବହୁତ ଉଚ୍ଚା ସ୍ଥାନ ହେଇଥିବାରୁ ଗୋଟିଏ ଲୋଡ଼ ବାଲି କୁ ଦୁଇ/ତିନିଥର ପରିବହନ କରିବାକୁ ପଡୁଥିଲା । ଏଣୁ ଏହି କାମ ପାଇଁ ପରିବାର ଲୋକ ହି ଲାଗିଯାଇଥିଲେ । ଟ୍ରାକ୍ଟର ଦିନ ତମାମ ବାଲି ପରିବହନ କରିଥିବା ବେଳେ ଦ୍ବୀପହର ପ୍ରାୟ ୩ଟା ସମୟରେ ଟ୍ରାକ୍ଟର ବାଲି ଖାଲି କରି ଦ୍ରୁତଗତି ରେ ଘାଟି ତଳକୁ ଓଲ୍ହାଉ ଥିଲା । ସେସମୟ ରେ ରହିଣୀ ଙ୍କ ପରିବାର ସମେତ ଉକ୍ତ ଟ୍ରାକ୍ଟର ର ଡ୍ରାଇଭର ଓ ହେଲପର ମଧ୍ୟ ରହିଥିଲେ । ହେଲେ ଟ୍ରାକ୍ଟର ଟି ଦ୍ରୁତଗତି ରହିଥିବା ବେଳେ କୌଣସି କାରଣରୁ ଭାରସାମ୍ୟ ହରାଇ ଟ୍ରାକ୍ଟର ର ବ୍ରେକ କାମ କରିନ ଥିଲା । ଫଳରେ ଟ୍ରାକ୍ଟର ଟି ଓଲଟି ଯାଇଥିଲା । ହେଲେ ଘଟଣା ସ୍ଥଳରେ ଝିଅ ବୁନ୍ଦେ ମାଝି ଅଣ୍ଟା ଓ ହାତ ରେ ଗଭୀର ଆଘାତ , ଡ୍ରାଇଭର ଓ ହେଲ୍ପର ଙ୍କୁ ଅଣ୍ଟା ଓ ହାତ ରେ ଗଭୀର ଆଘାତ ହେଇଯାଇଛି । ହେଲେ ରହିଣୀ ମାଝି ଙ୍କୁ ଅଣ୍ଟା ଓ ବାମ ପଟର ହାତ ଉପର(କାନ୍ଦ) ଭାଙ୍ଗିଯାଇଥିଲା । ଘଟଣା ଏକ ଜଙ୍ଗଲ ପାହାଡ଼ ଏବଂ ଅପହଞ୍ଚ ସ୍ଥାନ ହେଇଥିବାବେଳେ କାଶୀପୁର ସଦର ମହକୁମା ଠାରୁ ପ୍ରାୟ ୨୫ କିମି ଦୂରରେ ଦୁର୍ଘଟଣା ହେଇଯାଇଥିଲା । ଏଣୁ ଘଟଣା ରେ ଆହତ ବ୍ୟକ୍ତି ମାନଙ୍କୁ ମେଡ଼ିକାଲ ଆଣିବାରେ ବିଳମ୍ବ ହେଇଥିବା ବେଳେ ସନ୍ଧ୍ୟା ୫ ଘଣ୍ଟା ସମୟରେ ଏକ ବୋଲେରୋ ଯୋଗେ ମେଡ଼ିକାଲ ପହଂଚିବାବେଳେ ରହିଣୀ ମାଝି ଙ୍କର ମୃତ୍ୟୁ ହେଇଯାଇଥିଲା । ଅନ୍ୟ ଆହତ ଙ୍କୁ ମେଡ଼ିକାଲ ଭର୍ତ୍ତି କରାଯାଇଥିବାବେଳେ ସନ୍ଧ୍ୟା ୮ ଘଣ୍ଟାରେ କାଶୀପୁର ପୋଲିସ ମେଡ଼ିକାଲରେ ପହଞ୍ଚି ତଦନ୍ତ ଆରମ୍ଭ କରିବା ପରେ ଆହତ ୩ ଜଣଙ୍କୁ ରାୟଗଡା ସ୍ଥାନାନ୍ତର କରାଯାଇଥିବା ଦେଖିବାକୁ ମିଳିଛି ।
