ଭାରତ ମାତାକି ଜୟ ଧ୍ବନିରେ ପ୍ରକମ୍ପିତ ହେଲା ସହର
ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ଵାନ କ୍ରମେ ଅଗଷ୍ଟ ୯ରୁ ୧୫ ପର୍ଯ୍ୟନ୍ତ ସାରା ଦେଶରେ ଚାଲିଛି ହର ଘର ତ୍ରିରଙ୍ଗା କାର୍ଯ୍ୟକ୍ରମ। ଜନ ସାଧାରଣଙ୍କ ମଧ୍ୟରେ ଦେଶାତ୍ମ ବୋଧତା ଜାଗୃତ କରିବା ପାଇଁ ବିଭିନ୍ନ ଅନୁଷ୍ଠାନ ତରଫରୁ ଅନୁଷ୍ଠିତ ହୋଇଛି ତ୍ରିରଙ୍ଗା ଯାତ୍ରା। ଏହି କ୍ରମରେ ନର୍ଲା ଡିଗ୍ରୀ କଲେଜର ଅଧ୍ୟକ୍ଷ ନାରାୟଣ ନାଏକଙ୍କ ନେତୃତ୍ୱରେ ତ୍ରିରଙ୍ଗା ଯାତ୍ରା ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟର ଛାତ୍ରଛାତ୍ରୀମାନେ ଆଜି ପୂର୍ବାହ୍ନ ୧୦ ଘଣ୍ଟା ସମୟରେ ହାତରେ ଜାତୀୟ ପତାକା ଧରି କଲେଜରୁ ଏକ ଭବ୍ୟ ଶୋଭା ଯାତ୍ରାରେ ବାହାରି ନର୍ଲା ନଗର ପରିକ୍ରମା କରି ଭାରତ ମାତାକି ଜୟ, ବନ୍ଦେ ମାତରଂ ଭଳି ନାରା ଦେଇ ବ୍ଲକ ପର୍ଯ୍ୟନ୍ତ ଯାଇଥିଲେ। କଲେଜର ଶାରିରୀକ ଶିକ୍ଷକ କ୍ଷୀତିଶ କୁମାର ବାଗର୍ତ୍ତି କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଅଧ୍ୟାପକ ସୁଶାନ୍ତ କୁମାର ସାହୁ, ରମେଶ ଚନ୍ଦ୍ର ଘଡେ଼ଇ, ମୃତ୍ୟୁଞ୍ଜୟ ଚାନ୍ଦ, କିଶୋର ଚାନ୍ଦ, ସନ୍ତୋଷ ନାଗ, ବାସନ୍ତୀ ସାହୁ, ପାର୍ବତୀ ଦାସ, ବୁଲୁ ଥନାପତି, ଗରୁଡ଼ ଭୋଇ ପ୍ରମୁଖ ସହଯୋଗ କରିଥିଲେ।
