ଓଡ଼ିଆ ବାର୍ତ୍ତା/ କାଶୀପୁର (ଆଲାରାମ ଭତ୍ରା): ରାୟଗଡା ଜିଲ୍ଲା ଟିକିରି ଅନ୍ତର୍ଗତ ଦୋରଗୁଡ଼ା ସ୍ଥିତ ଉତ୍କଳ ଆଲୁମିନା ଇଣ୍ଟେରନ୍ୟାସନାଲ ଲିମିଟେଡ଼ ରେ ବିସ୍ଥାପିତ ତଥା କାର୍ଯ୍ୟରୋତ କର୍ମଚାରୀଙ୍କ ପକ୍ଷରୁ ମହାଡ଼ମ୍ବରରେ ୭୯ତମ ସ୍ୱାଧୀନତା ଦିବସ ପାଳିତ ହୋଇଯାଇଛି । ସ୍ଥାନୀଅୟ ଉତ୍କଳ ଆଲୁମିନା ମୁଖ୍ୟ ଦ୍ଵାର ସମ୍ମୁଖ ୟୁନିଅନ କାର୍ଯ୍ୟାଳୟ ଠାରେ ଆୟୋଜିତ କାର୍ଯ୍ୟକ୍ରମରେ ଉତ୍କଳ ଆଲୁମିନା ବିସ୍ଥାପିତ କର୍ମଚାରୀ ସଂଘ ମୁଖ୍ୟ ଶ୍ରୀ ଗୋବିନ୍ଦ ଚନ୍ଦ୍ର ନାଏକ ଓ ମୂଖ୍ୟ ଅତିଥି ତଥା ବହୁଜନ ସମାଜ ପାର୍ଟି ର ବରିଷ୍ଠ ନେତା ଶ୍ରୀ ସରୋଜ କୁମାର ନାଏକ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ । ଏଥିସହିତ ସାମୁହିକ ଭାବେ ଜାତୀୟ ସଂଗୀତ ଗାନ କରାଯାଇଥିଲା । ଏହାପରେ ଉପସ୍ଥିତ ସମସ୍ତ କର୍ମଚାରୀଙ୍କ ତରଫରୁ ଜାତୀୟ ପତାକାକୁ ସମ୍ମାନ ଦେଇ ଜାତୀୟ ସଙ୍ଗୀତ ପରିବେଷଣ କରାଯାଇ ଦେଶ ସ୍ଵାଧୀନ ପାଇଁ ଲଢି ଥିବା ସମସ୍ତ ମହାପୁରୁଷଙ୍କ ନାମରେ ନାରା ଦେଇ ସ୍ମରଣ କରାଯାଇଥିଲା;। ପରବର୍ତୀ ପର୍ଯ୍ୟାୟରେ ମୁଖ୍ୟ ଅତିଥି ଶ୍ରୀ ସରୋଜ୍ କୁମାର ନାଏକ ଉଦବୋଧନ ଦେଇ କହିଛନ୍ତି ଯେ, ସ୍ୱାଧୀନତା ଦିବସ, ଦେଶ ସ୍ଵାଧୀନ ପାଇଁ ବଳିଦାନ ଦେଇଥିବା ବ୍ୟକ୍ତିଙ୍କୁ ମାନେ ପକାଇବା ଦିବସ । ସେହି ବୀର ବ୍ୟକ୍ତିତ୍ୱଙ୍କ ପାଇଁ ଆମ ଦେଶ ସ୍ୱାଧୀନତାର ସ୍ୱର୍ଣ୍ଣିମ ଅଧ୍ୟାୟ ଦେଖିପାରିଛି । ଦାୟିତ୍ୱବାନ ନାଗରିକ ଭାବେ ସମସ୍ତ ନାଗରିକଙ୍କ ଦେଶ ପ୍ରତି କର୍ତବ୍ୟ ରହିଛି । ତେଣୁ ସମସ୍ତେ ଶପଥ କରନ୍ତୁ, ଦେଶକୁ ଭବିଷ୍ୟତ ପିଢ଼ି ପାଇଁ ଆହୁରି ଉତ୍ତମ କରି ଗଢି ତୋଳିବା । ଭାରତ ସ୍ଵାଧୀନ ହୋଇ ଦୀର୍ଘ ୭୯ ବର୍ଷ ବିତିଯାଇଥିଲେ ମଧ୍ୟ ଆଜି ଅନେକ ସ୍ଥାନ ଅନୁକୋଣ ରେ ଆମ ସମାଜ ର ଲୋକ ଭାରତ ସ୍ଵାଧୀନର ସ୍ଵାଦ ଚାଖି ପାରି ନାହାଁନ୍ତି, ଗ୍ରାମାଞ୍ଚଳରେ ବିକାଶର ସ୍ଵାଦ ଚାଖି ପାରି ନାହାଁନ୍ତି। ଏଣୁ ସେମାନଙ୍କୁ ମଧ୍ୟ ମୂଖ୍ୟ ସ୍ରୋତକୁ ଆଣିବାକୁ ପଡ଼ିବ । ଆମ ଅଞ୍ଚଳରେ ହିଣ୍ଡାଲକୋ କମ୍ପାନୀ ଗଢ଼ି ଉଠିଛି ସତ କିନ୍ତୁ ଆମ ଲୋକ ବାହାରେ ଦାଦନଶ୍ରମିକ ଭାବରେ ଯାଉଛନ୍ତି । ଏହି ଅବସରରେ କାଶୀପୁର ଡମ୍ ସମାଜ ର ସଭାପତି ଶ୍ରୀ ତେଲି ନାଏକ, ଉତ୍କଳ ଆଲୁମିନା ବିସ୍ଥାପିତ କର୍ମଚାରୀ ସଂଘର ସଭାପତି ଶ୍ରୀ ଗୋବିନ୍ଦ ଚନ୍ଦ୍ର ନାଏକ, ଉପ ସଭାପତି ରାଜି ନାଏକ, ଶ୍ରୀରାମ ନାଏକ, ଭଣ୍ଡାରି ମାଝୀ, ସୁରେଶ ନାଏକ, ନରେନ୍ଦ୍ର ନାଏକ, ସହ ସମ୍ପାଦକ ଚିତ୍ରସେନ ନାଏକ, ଜୋସେଫ ଭତ୍ରା ବିଦ୍ୟୁତ୍ ନାଏକ, ଗିରିଧର ନାଏକ, ନିରଞ୍ଜନ ନାଏକ, ଗୋବିନ୍ଦ ମାଝୀ, ଗୋବିନ୍ଦ ଚନ୍ଦ୍ର ନାଏକ (ପିଲା) ଓ ସାଧାରଣ ସମ୍ପାଦକ ଆଲାରାମ ଭତ୍ରାଙ୍କ ସମେତ ବୁଦ୍ଧିଜିବୀ ଓ କର୍ମଚାରୀମାନେ ଉପସ୍ଥିତ ଥିଲେ । ଉକ୍ତ କାର୍ଯ୍ୟକ୍ରମକୁ ସଂଘର ସାଧାରଣ ସମ୍ପାଦକ ଆଲାରାମ୍ ଭତ୍ରା ପରିଚାଳନା କରିଥିଲେ । ଅନ୍ୟ ସମସ୍ତ ବିସ୍ଥାପିତ କର୍ମଚାରୀ ପ୍ରମୁଖ ସହଯୋଗ କରି ଖୁସି ମନାଇ ଥିଲେ ।
