ଓଡିଆ ବାର୍ତ୍ତା/ ସୁବର୍ଣ୍ଣପୁର ( ରାଜ କିଶୋର ତ୍ରିପାଠୀ ): ସୁବର୍ଣ୍ଣପୁର ଜିଲ୍ଲାକୁ ସ୍ଵାଧୀନତା ଦିବସ ଅବସରରେ ଗସ୍ତ କରିଥିବା ଉଚ୍ଚ ଶିକ୍ଷାମନ୍ତ୍ରୀ ମନ୍ତ୍ରୀ ସୂର୍ଯ୍ୟବଂଶୀ ସୂରଜ ଙ୍କୁ ସୋନପୁର ମହାବିଦ୍ୟାଳୟ ଆଲୁମିନୀ ଆସୋସିଏସନ ପକ୍ଷରୁ ସୋନପୁର କଲେଜର ବିଭିନ୍ନ ସମସ୍ୟା ନେଇ ତଥା ସରକାରୀ ମାନ୍ୟତା ପ୍ରଦାନ ଦାବିରେ ଏକ ଦାବିପତ୍ର ପ୍ରଦାନ କରାଯାଇଛି । ବିଭିନ୍ନ ସମସ୍ୟା ବିଷୟରେ ଅବଗତ ପରେ ମନ୍ତ୍ରୀ ତୁରନ୍ତ ପ୍ରଥମେ ପିଜି ପାଠ୍ୟକ୍ରମ ଖୋଲିବା, ଗାର୍ଲ୍ସ ହଷ୍ଟେଲ ଓ ଅଡିଟରିୟମ୍ ପାଇଁ ଆର୍ଥିକ ଅନୁଦାନ ଯୋଗାଇ ଦେବା ପାଇଁ ପ୍ରତିଶ୍ରୁତି ଦେବା ସହ ସୋନପୁର କଲେଜ ସରକାରୀ ମାନ୍ୟତା ସରକାର ଙ୍କ ବିଚାରଧୀନ ଅଛି ଏବଂ ରାଜ୍ୟରେ ଆଉ କିଛି କଲେଜ ସହ ସୋନପୁର କଲେଜ ମଧ୍ଯ ସରକାରୀ ମାନ୍ୟତା କରାଯିବା ନେଇ ସୂଚନା ଦେଇଥିଲେ। ଏବଂ ଏ ନେଇ ମନ୍ତ୍ରୀ ସେପ୍ଟେମ୍ୱର ଶେଷ ବେଳକୁ ଆଲୁମିନୀ ସଂଘ କୁ ଭୁବନେଶ୍ୱର ଠାରେ କଲେଜର ସମସ୍ତ ତଥ୍ୟ ସହ ସାକ୍ଷାତ କରିବା ପାଇଁ ନିମନ୍ତ୍ରିତ କରିଛନ୍ତି । ଦାବୀପତ୍ର ପ୍ରଦାନ ତଥା ସାକ୍ଷାତ ଆଲୋଚନା ସମୟରେ ବୀରମହାରାଜପୁର ବିଧାୟକ ରଘୁନାଥ ଜଗଦଲା ଆସୋସିଏସନ ର ଉପ-ସଭାପତି ଗତିକୃଷ୍ଣ ମିଶ୍ର ଙ୍କ ନେତୃତ୍ୱରେ ସଂପାଦକ ଭାରତ ଭୁଷଣ ଦାଶ, କୋଷାଧ୍ୟକ୍ଷ ବିଶ୍ଵ ରଞ୍ଜନ ପୂଝାରୀ, ସଂଯୋଜକ ସୁଦାମ ମିଶ୍ର, ଆଶିଷ ଅଗ୍ରୱାଲ, ଯୁଗ୍ମ ସମ୍ପାଦକ ସରୋଜ ପ୍ରଧାନ, ଶ୍ରୀଧର ବାଗ, ସୁଧୀର କୁମାର ପଣ୍ଡା, ନିଶାନ୍ତ ମହାନ୍ତି, ମିଡିଆ ସେଲର ରାଜ କିଶୋର ତ୍ରିପାଠୀ, ରାମ ଶଙ୍କର ଭୋଇ, ଶାଶ୍ୱତ ମିଶ୍ର, ଜ୍ୟୋତିର୍ମୟ ମିଶ୍ର ପ୍ରମୁଖ ଏକ ପ୍ରତିନିଧି ଦଳ ଉପସ୍ଥିତ ଥିଲେ । ପ୍ରକାଶ ଯୋଗ୍ୟ ଯେ ସୋନପୁର ମହାବିଦ୍ୟାଳୟ ୧୯୬୪ ମସିହାରୁ ସ୍ଥାପିତ ହୋଇଥିଲେ ସୁଦ୍ଧା ଅଦ୍ୟାବଧି ସରକାରୀ ମାନ୍ୟତା ପାଇ ପାରିନାହିଁ । ଜିଲ୍ଲାର ସର୍ବପୁରାତନ ସୋନପୁର ମହାବିଦ୍ୟାଳୟ ରାଜ୍ୟ ସରକାରଙ୍କ ଦୃଷ୍ଟି ଆଢୁଆଳରେ ରହିଯାଇଛି । ବର୍ତ୍ତମାନ ମହା ବିଦ୍ୟାଳୟରେ ଯୁକ୍ତ ୨ ଓ ଯୁକ୍ତ ୩ ପର୍ଯ୍ୟନ୍ତ କଳା, ବିଜ୍ଞାନ ଓ ବାଣିଜ୍ୟ ବିଭାଗରେ ମୋଟ ୨୩୦୦ ଜଣ ଛାତ୍ରୀ/ ଛାତ୍ର ଅଧ୍ୟୟନରତ ଅଛନ୍ତି ।
