ରୁପ୍ରାରେ ପାଳିତ ହେଲା ଯାଦବେନ୍ଦ୍ର କୃଷ୍ଣଚନ୍ଦ୍ରଙ୍କ ଜନ୍ମବାର୍ଷିକ ଉତ୍ସବ

ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଳକ ଅନ୍ତର୍ଗତ ରୁପ୍ରା ଜଗନ୍ନାଥ ମନ୍ଦିର ପ୍ରାଙ୍ଗଣରେ ଯାଦବେନ୍ଦ୍ର କୃଷ୍ଣଚନ୍ଦ୍ରଙ୍କ ଜନ୍ମବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଜନ୍ମାଷ୍ଟମୀ କମିଟି ରୁପ୍ରା ପକ୍ଷରୁ ଆୟୋଜିତ ଏହି ୩୦ତମ ସମାରୋହ ଦୁଇଦିନ ଧରି ଚାଲିଥିଲା। ଶୁକ୍ରବାର ପ୍ରାତଃ କାଳରୁ ପୁରାଣ ପାଠ ହୋଇ ସନ୍ଧ୍ୟାରେ ଜନ୍ମାଷ୍ଟମୀ ଓ କୃଷ୍ଣ ଜନ୍ମ ନିତି ସଂପାଦିତ ହୋଇଥିଲା। ଶନିବାର ଯାଦବ ସଂସ୍କୃତିର ମହାନ ବିଭବ ବାଡିଖେଳ ପ୍ରଦର୍ଶିତ ହେବା ସହ ନନ୍ଦୋତ୍ସବ ପାଳିତ ହୋଇଥିଲା। ଏକ ବିଶାଳ ଶୋଭାଯାତ୍ରା ଜଗନ୍ନାଥ ମନ୍ଦିରରୁ ବାହାରି ନଗର ପରିକ୍ରମା କରିଥିଲେ। ରୁପ୍ରା ଆଞ୍ଚଳିକ ଯାଦବ ସମିତିର ସଭାପତି ଗୌରଚନ୍ଦ୍ର ଭୋଇ, ସାଧାରଣ ସମ୍ପାଦକ କାନ୍ତ କରୁଆଁ, ଗ୍ରାମ୍ୟ ସଭାପତି ବିକ୍ରମ ଗଉଡ, ସମ୍ପାଦକ ସୁଦାମ ଗଉଡ କାର୍ଯ୍ୟକ୍ରମ ପରିଚାଳନା କରିଥିବାବେଳେ କର୍ତ୍ତା ଭାବେ ରଞ୍ଜନ କୁମାର ଗଉଡ ଓ ଗୀତାଞ୍ଜଳି ଗଉଡ କାର୍ଯ୍ୟ ସଂପାଦନ କରିଥିଲେ। ଏହି ଅବସରରେ ଏକ ସାଂସ୍କୃତିକ ସଭା ଅନୁଷ୍ଠିତ ହୋଇଥିଲା। ରୁପ୍ରା ଆଞ୍ଚଳିକ ଯାଦବ ସମିତିର ସଭାପତି ଗୌରଚନ୍ଦ୍ର ଭୋଇଙ୍କ ଅଧ୍ୟକ୍ଷତାରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ଅତିଥି ଭାବେ ନର୍ଲା ବ୍ଲକ ଯାଦବ ସମିତି ସଭାପତି ଲିଙ୍ଗରାଜ କରୁଆଁ, ଉପସଭାପତି ଦୁଲ୍ଲଭ ମାହାର, ସୁନୀଲ କୁମାର ଧଙ୍ଗଡାମାଝୀ ଓ ମାର୍କଣ୍ଡ ଜାଲ, ସାଧାରଣ ସମ୍ପାଦକ ମଧୁସୂଦନ ରାଉତ, ଯୁଗ୍ମ ସମ୍ପାଦକ ଅଜିତ କରୁଆଁ, କୋଷାଧ୍ୟକ୍ଷ ଗିରିଧାରୀ ଗଉଡ, ବ୍ଲକ ଯୁବ ସଭାପତି ପ୍ରଶୁନ୍ କୁମାର ଜାଲ, ବରିଷ୍ଠ ଯାଦବ ମୋହନ ବାଗ, ସୁଧିର ନାଏକ, ନରସିଂହ ଥପା ପ୍ରମୁଖ ଉପସ୍ଥିତ ଥିଲେ। ଚନ୍ଦ୍ରମଣି ଗଉଡ, ଡିଲେଶ୍ବର ଗଉଡ, ଫଗନୁ ଗଉଡ, ଦଶରଥ ଗଉଡ, ସର୍ବଶିଦ୍ଧି ଗଉଡ, ଦୟାନିଧି ଗଉଡ, ଚୈତନ୍ୟ ଗଉଡ, ଶ୍ୟାମସୁନ୍ଦର ଧଙ୍ଗଡାମାଝୀ, ଧର୍ମୁ ଗଉଡ, ପର୍ମା ବାଗ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଏଥିରେ ଶହଶ୍ରାଧିକ ମହିଳା ଓ ପୁରୁଷ ଯୋଗ ଦେଇଥିଲେ।

Omkar Vasthu
Omkar Vasthu

Pearl dental clinic
Near Ashish Medical Store, Bhawanipatna

Udyog Nursery
Udyogi Nursery
Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.