ଜିଲ୍ଳାପାଳଙ୍କ ଟିକିରି ଓଷାପଡା ହସ୍ପିଟାଲ୍ ସ୍ଥିତ କୋଭିଡ କେୟାର ସେଣ୍ଟର ପରିଦର୍ଶନ

ରାୟଗଡ/କାଶିପୁର,୨୦/୭ : ରାୟଗଡ ଜିଲ୍ଳାପାଳ ପ୍ରମୋଦ କୁମାର ବେହେରା ଆଜି କାଶିପୁର ବ୍ଳକ ଅନ୍ତର୍ଗତ ଟିକିରି ଠାରେ ଅବସ୍ଥିତ ଉତ୍କଳ ଆଲୁମିନା କମ୍ପାନୀ ଆନୁକୂଲ୍ୟରେ କାର୍ଯ୍ୟକାରୀ ହେବାକୁ ଥିବା କୋଭିଡ଼ କେୟାର ସେଣ୍ଟର ପରିଦର୍ଶନ କରିଛନ୍ତି। ଏହି କମ୍ପାନୀ ତରଫରୁ ସ୍ବାସ୍ଥ୍ୟ କେନ୍ଦ୍ରର ସମସ୍ତ ପ୍ରକାର ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପଂହଚି ସାରିଲାଣି । ଓଡ଼ିଶା ସରକାରଙ୍କ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗର ନିର୍ଦ୍ଦେଶ ଅନୁଯାୟୀ ପ୍ରତ୍ୟେକ ଶିଳ୍ପ ସଂସ୍ଥା, ଜିଲ୍ଲା ପୋଲିସ, ଅର୍ଦ୍ଧ ସାମରିକ ବାହିନୀ, ରେଲବାଇ, ବଡ଼ ବଡ଼ ଶିକ୍ଷଣୀୟ ସଂସ୍ଥା ମାନେ ସେମାନଙ୍କ କର୍ମଚାରୀ ମାନଙ୍କ ଚିକିତ୍ସା ନିମନ୍ତେ ସ୍ଵତନ୍ତ୍ର ଗୋଟିଏ ଲେଖାଏଁ କୋଭିଡି କେୟାର ସେଣ୍ଟର ଖୋଲି ଚିକିତ୍ସା ସୁବିଧା ଯୋଗାଇବେ। ତେଣୁ ଉତ୍କଳ ହସ୍ପିଟାଲକୁ କୋଭିଡ କେୟାର ସେଣ୍ଟରରେ ପରିଣତ କରିବା ନିମନ୍ତେ ସାମ୍ଭାବ୍ୟ ବ୍ୟବସ୍ଥା ଓ ପରିସ୍ଥିତିକୁ ଅନୁଧ୍ୟାନ କରିବା ପାଇଁ ରାୟଗଡ ଜିଲ୍ଲାପାଳ ଶ୍ରୀ ବେହେରା ସୋମବାର ଦିନକାଶିପୁର ବ୍ଳକ ଓଷାପଡା ଠାରେ ଥିବା ଉତ୍କଳ ହସ୍ପିଟାଲ ପରିଦର୍ଶନ କରିଥିଲେ ।

Omkar Vasthu
Omkar Vasthu

Pearl dental clinic
Near Ashish Medical Store, Bhawanipatna

ଏହି ପରିଦର୍ଶନ କାର୍ଯକ୍ରମରେ ସଭାପତି ତଥା ୟୁନିଟ ହେଡ ଉତ୍କଳ ଆଲୁମିନା ଏନ. ନାଗେଶ ଯୋଗ ଦେଇଥିଲେ । କୋଭିଡ କେୟାର ସେଣ୍ଟର ନିମନ୍ତେ ଉତ୍କଳ ହସ୍ପିଟାଲର ପ୍ରସ୍ତୁତି ଜାଣିବା ପାଇଁ ଜିଲ୍ଲାପାଳ ହସ୍ପିଟାଲର ମୁଖ୍ୟ ସ୍ୱାସ୍ଥ୍ୟ ପଦାଧିକାରୀ ଓ ଅନ୍ୟାନ୍ୟ ଡାକ୍ତର ତଥା କର୍ମଚାରୀ ମାନଙ୍କ ସହିତ ବିସ୍ତୃତ ଭାବରେ ଆଲୋଚନା କରିଥିଲେ । ଜିଲ୍ଲାପାଳ ତାଙ୍କ ପରିଦର୍ଶନ ସମୟରେ ଜ୍ୱର କ୍ଲିନିକ, ଆଇ. ସି. ୟୁ., ଓ.ଟି, କ୍ୱାରନ୍ଟାଇନ ୱାର୍ଡ ବୁଲି ଦେଖିଥିଲେ । ଏହି ସମୟରେ ସେ କେନ୍ଦ୍ରରେ କରାଯାଇଥିବା ଅମ୍ଳଜାନ ବ୍ୟବସ୍ଥା ଉପରେ ସନ୍ତୋଷ ବ୍ୟକ୍ତ କରିଥିଲେ । ସେ ମଧ୍ୟ ଉତ୍କଳ ହସ୍ପିଟାଲର ଭେଣ୍ଟିଲେଟର ତଥା ରେସ୍ପିରେଟର ବ୍ୟବସ୍ଥା ଦେଖିଥିଲେ । ଜିଲ୍ଳାପାଳଙ୍କ ସହିତ ବିଡ଼ିଓ କାଶୀପୁର, ତହସିଲଦାର କାଶୀପୁର ଯୋଗଦେଇଥିଲେ ।

Udyog Nursery
Udyogi Nursery

ଅନ୍ୟ ପକ୍ଷରେ ଅତିରିକ୍ତ ଜିଲ୍ଲାପାଳ ଶରତ ଚନ୍ଦ୍ର ପଣ୍ଡା ଓ ଉପଜିଲ୍ଲାପାଳ ପ୍ରତାପ ଚନ୍ଦ୍ର ପ୍ରଧାନ ରାୟଗଡା ପୌରପରିଷଦ ଅଞ୍ଚଳରେ ଏଵଂ ଜେକେପୁର ସ୍ଥିତ ଜେକେ କାଗଜ କଳ ଶିଳ୍ପାଞ୍ଚଳରେ ହେବାକୁ ଥିବା ପ୍ରସ୍ତାବିତ ୨୦ ଶଯ୍ୟା ଵିଶିଷ୍ଟ କୋଭିଡ଼ କ୍ୟାୟର ସେଣ୍ଟର ପରିଦର୍ଶନ କରିଥିଲେ । ପୌରାଞ୍ଚଳରେ ରାୟଗଡ ପୌର ପରିଷଦର ରୋଗୀ ଏଠାରେ ରହି ଚିକିତ୍ସିତ ହେବେ । ସେହିପରି ଜେକେ କାଗଜ କଳ ଶିଳ୍ପ ସଂସ୍ଥାର ନିଜ କର୍ମଚାରୀ କମ୍ପାନୀ କୋଭିଡି କେୟାର ସେଣ୍ଟରରେ ଚିକିତ୍ସିତ ହେବେ ବୋଲି ଜଣାପଡିଛି ।

ରାୟଗଡରୁ ଶିବ ନାରାୟଣ ଗୈାଡଙ୍କ ସହ କାଶିପୁର ପ୍ରତିନିଧି ଆଲାରାମ ଭତ୍ରାଙ୍କ ରିପୋର୍ଟ OdiaBarta.in

Click here to get 24×7 News & Views alerts👇🏻

http://bit.ly/OBgroup4

Like us on Facebook👇🏻

https://facebook.com/odiabarta

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.