ଭୁବନେଶ୍ୱର,୧୯/୧:
ବୃଦ୍ଧ, ବୃଦ୍ଧା, ବିଧବା ଓ ଅସହାୟଙ୍କ ପାଇଁ ଖୁସି ଖବର । ସାମାଜିକ ସୁରକ୍ଷା ପାଇଁ ଦିଆଯାଉଥିବା ବିଭିନ୍ନ ଭତ୍ତାର ପରିମାଣ ବୃଦ୍ଧି କରିଛନ୍ତି ରାଜ୍ୟ ସରକାର । ଏହି ଭତ୍ତାକୁ ୨୦୦ ଟଙ୍କା ବୃଦ୍ଧି କରାଯାଇଛି । ଯେଉଁ ହିତାଧିକାରୀ ମାନେ ପୂର୍ବରୁ ୩୦୦ ଟଙ୍କା ଭତ୍ତା ପାଉଥିଲେ ସେମାନେ ଫେବୃଆରୀ ୧୫ ତାରିଖରୁ ୫୦୦ ଟଙ୍କା ପାଇବେ । ସେହିପରି ଯେଉଁମାନେ ୫୦୦ ଟଙ୍କା ଭତ୍ତା ପାଉଥିଲେ ସେମାନେ ୭୦୦ ଟଙ୍କା ପାଇବେ । ଏହା ଦ୍ୱାରା ରାଜ୍ୟର ୪୪ ଲକ୍ଷ ବୃଦ୍ଧ, ବୃଦ୍ଧା, ବିଧବା ଓ ଅସହାୟ ହିତାଧିକାରୀ ଲାଭବାନ ହେବେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରକାଶ କରିଛନ୍ତି ଯେ, ” ମୁଁ ସବୁବେଳେ ସମାଜର ଗରିବ ଲୋକଙ୍କ ବିକାଶ ଲାଗି ଚିନ୍ତା କରୁଛି। ତେଣୁ ଭତ୍ତା ବଢ଼ାଇବା ନିଷ୍ପତ୍ତି ନେଲି । ” ଶନିବାର ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ଯୋଗ ଦେଇ ମୁଖ୍ୟମନ୍ତ୍ରୀ ଏହି ଘୋଷଣା କରିଛନ୍ତି ।
