ଯଜ୍ଞରେ ହଜାର ହଜାର ଭକ୍ତଙ୍କ ସମାଗମ
ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକଅଧିନସ୍ଥ ସର୍ଗିଗୁଡା ଗ୍ରାମର ବହୁ ପ୍ରସିଦ୍ଧ ୨୪ ପ୍ରହର ନାମଯଜ୍ଞର ଆଜି ଶୁକ୍ରବାର ସକାଳ ୬.୪୫ ସମୟରେ ପୂର୍ଣ୍ଣାହୂତି ପଡିଛି । ଗତ ୨ା୫ ରୁ ଆରମ୍ଭ ହୋଇ ୪ା୫ ତାରିଖ ଯାଏଁ ତିନିଦିନ ଧରି ମହା ଆଡମ୍ବର ସହକାରେ ନାମଯଜ୍ଞ ଚାଲିଥିଲା । ଏଥିପାଇଁ ୧ା୫ ସୋମବାର ସାନ୍ଦୁଲ ନଦୀରୁ ଭବ୍ୟ କଳସ ଯାତ୍ରା ଅନୁଷ୍ଠିତ ହୋଇଥିଲା । ମଙ୍ଗଳବାର ସକାଳ ୬.୪୫ ରେ ନାମ ଆରମ୍ଭ ହୋଇଥିଲା । ସର୍ଗିଗୁଡା ଆଖପାଖ ୧୩ ଗୋଟି ଗ୍ରାମରୁ ହଜାର ହଜାର ସଂକୀର୍ତ୍ତନ ପ୍ରେମୀ ଶ୍ରଦ୍ଧାଳୁ ଭକ୍ତ ମାନଙ୍କ ଭିଡ ପ୍ରତ୍ୟହ ଲାଗି ରହୁଥିଲା ।
କଳାହାଣ୍ଡି, ନୂଆପଡା, ବଲାଙ୍ଗୀର ଓ ବରଗଡ ଜିଲ୍ଲାରୁ ନାମକରା ସଂକୀର୍ତ୍ତନ ମଣ୍ଡଳୀ ସବୁ ନାମ ସଂକୀର୍ତ୍ତନ ପାଇଁ ଆସିଥିଲେ । ସ୍ଥାନୀୟ ସର୍ଗିଗୁଡା, ବେହେରାପାଟି, ଡୁମାଲପଡା ସମେତ ୧୩ ଗୋଟି ସଂକୀର୍ତ୍ତନ ମଣ୍ଡଳୀ ନାମଯଜ୍ଞରେ ଅଂଶ ଗ୍ରହଣ କରିଥିଲେ । ପ୍ରତ୍ୟହ ମଧ୍ୟାହ୍ନ ଓ ରାତିରେ ୧୦,୦୦୦ ରୁ ଉର୍ଦ୍ଧ୍ବ ଭକ୍ତ ଅନ୍ନ ଛତ୍ରରେ ଅନ୍ନ ପ୍ରସାଦ ସେବନ କରୁଥିଲେ । ନାମଯଜ୍ଞ ପରିଚାଳନା କମିଟିର ସଭାପତି ନାରାୟଣ ମାଝୀ ଓ କମିଟି ସଦସ୍ୟଙ୍କ ପ୍ରତ୍ୟକ୍ଷ ତତ୍ୱାବଧାନରେ ଯଜ୍ଞ ଅନୁଷ୍ଠିତ ହୋଇଥିବା ବେଳେ ଚଳିତ ବର୍ଷ ଶ୍ରୀମତୀ ରାଜକୁମାରୀ ବେହେରା ଓ ଗୌରଚନ୍ଦ୍ର ବେହେରା ଦମ୍ପତି ନାମଯଜ୍ଞ କର୍ତ୍ତା ଭାବରେ ଦାଇତ୍ୱ ନିର୍ବାହନ କରିଥିଲେ । କମିଟିର ଉପସଭାପତି ଜୟଦେବ ପୋଢ, ସମ୍ପାଦକ ଲଳିତ ପଧାନ, ଯୁଗ୍ମ ସମ୍ପାଦକ ସଂକୀର୍ତ୍ତନ ପଧାନ, ଶେଷଦେବ ପଧାନ, ସଞ୍ଜୟ ନାଏକ, କୋଷାଧ୍ୟକ୍ଷ ଜତିନ ସାହୁ, ଏବଂ ମାର୍ଗଦର୍ଶକ ମଣ୍ଡଳୀରେ ରହିଥିବା ଜହରଲାଲ ବିଶ୍ୱାଳ, ଗିରିଧାରୀ ଗୌଡ, ଉଗ୍ରେସନ ଗଉଡ,ଲକ୍ଷ୍ମଣ ବାଗ, ବୀରକିଶୋର ମାଝୀ, ଦିଲିପ ଗହୀର, ବିରଞ୍ଚି ମାଝୀ, ତୀର୍ଥ ପଧାନ, ଲୋକନାଥ ବିଶ୍ୱାଳ, ବୀରେନ୍ଦ୍ର ନାଏକ, କୁମୁଦଚନ୍ଦ୍ର ନାଏକ, ଚକ୍ରଧର ସା, ତୀର୍ଥବାସୀ ପଧାନ, ସନାତନ ବିଶ୍ବାଳ ପ୍ରମୂଖ କାର୍ଯ୍ୟକ୍ରମ ପରିଚାଳନା କରିଥିବା ବେଳେ କାହ୍ନୁ ମାଝୀ, ବିଜୟ ନାଏକ, ମୋହନ ସାହୁ, ପୂର୍ଣ୍ଣଚନ୍ଦ୍ର ବେହେରା, ସୁଦାମ ମିଶ୍ର ବିଭିନ୍ନ ଦାଇତ୍ଵ ରେ ରହିଥିଲେ ।
ଦଳ ଡାକିବା ଦାଇତ୍ୱରେ ପରମେଶ୍ୱର ବିଶ୍ୱାଳ, ରବିନ ବାଗ, ମନୋଜ ନାଏକ, ଯୁଗେଶ୍ୱର ବିଶ୍ୱାଳ, ଜଗନ୍ନାଥ ମିର୍ଦ୍ଧା ପ୍ରମୁଖ ରହିଥିବା ବେଳେ ଅତିଥି ସତ୍କାରରେ ପ୍ରଦୀପ କୁମାର ନାଏକ, କିଶୋର ନାଏକ, ଖଗେଶ୍ୱର ବିଶ୍ଵାଳ, ବିନୟ ଭୋଇ, ମାନସ ସା, ପୌରୁଷ ଗୌଡ଼, ପଙ୍କଜ ପଧାନ, ବିଶି ମାଝୀ ପ୍ରମୁଖ ଦାଇତ୍ୱ ତୁଲାଇଥିଲେ । ସେହିଭଳି ପ୍ରସାଦ ବଣ୍ଟନରେ ସୁବୋଧ ବିଶ୍ୱାଳ, ଥବିର ବଚ୍ଛା, ପୁଜନ ଓ ପ୍ରସାଦ ପ୍ରସ୍ତୁତିରେ ବସନ୍ତ ପୋଢ, ପୀତବାସ ନାଗ, କୃଷ୍ଣ ପୋଢ, ବୈଷ୍ଣବ ନାଏକ, ସୁଦାମ ଜାଲ, କବିରାଜ କରୁଆଁ, ଘନଶ୍ୟାମ ଭୋଇ, ଯଦୁ ମାଝୀ ରହିଥିଲେ ।ସେହିଭଳି ଭୋଜନ ମଣ୍ଡପ ଦାଇତ୍ୱରେ ରତ୍ନାକର ପାଢୀ, ଯଦୁ ନାଏକ, ଗଜୀନ୍ଦ୍ର ମାଝୀ, ପ୍ରମୋଦ ରାଉତ, ମଣ୍ଟୁ ଅଗ୍ରୱାଲ, ରତନ ଅଗ୍ରୱାଲ, ଲକ୍ଷ୍ମୀଧର ପଟ୍ଟନାୟକ, ସଞ୍ଜୟ ସରାଫ, ଫକୀର ନାଗ, ଦେବାର୍ଚ୍ଚନ ମାଝୀ, ଶ୍ରୀକର ମାଝୀ, ବିପ୍ର ବିଶ୍ବାଳ, ନିହାର ନାଏକ, ପ୍ରହଲ୍ଲାଦ ସେଠୀ, ନିର୍ମଳ ନାଗ, କଏଠୁ ସେଠ, ଫକ ଙ୍କ ସମେତ ଗ୍ରାମର ସମସ୍ତ କିଶୋର, ଯୁବକ ଓ ମହିଳା ମାନେ ଅଂଶ ଗ୍ରହଣ କରି ସମସ୍ତ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ପଣ୍ଡିତ ଘନଶ୍ୟାମ ତ୍ରିପାଠୀ ବ୍ରହ୍ମା ପୂଜକ ଭାବରେ ଯଜ୍ଞପୂଜନ କାର୍ଯ୍ୟକ୍ରମ ସମ୍ପାଦନ କରିଥିଲେ । ଜପକ ଭାବରେ ବୃନ୍ଦାବନ ମିଶ୍ର ଓ ତ୍ରୀଲୋଚନ ତ୍ରିପାଠୀ ପାଚକ ଭାବରେ ନାରାୟଣ ପାଢୀ ଦାଇତ୍ୱ ନିର୍ବାହନ କରିଥିଲେ । ଅଞ୍ଚଳର ପ୍ରସିଦ୍ଧ ସଂକୀର୍ତ୍ତନ ଗୁରୁ ରଘୁନାଥ ମାଝୀ, ଧୀରଜ ପୋଢ, ଲୁଚନ ଗଉଡ, ଚାରୁଚନ୍ଦ୍ର ଛୁରିଆ, ମନୋଜ ପଧାନ, ପୁରୁନ୍ଦର ନାୟକ, ପ୍ରମୋଦ ବୁଡେକ, ଅଚ୍ୟୁତାନନ୍ଦ ଶତପଥି, କ୍ଷୀରୋଦ କୁମାର ସା, ଲମ୍ବୋଦର ପୁଝାରୀ, ନରସିଂହ ନାଗ, ଗୋବିନ୍ଦ ବୁଡେକ ଓ ଶ୍ରୀମନ୍ତ ଅଘ୍ରିଆ ପ୍ରମୁଖଙ୍କ ମୃଦଙ୍ଗ ବାଦନର କଳା ନୈପୁଣ୍ୟର ପ୍ରଦର୍ଶନ ଦେଖି ଦର୍ଶକ ଆତ୍ମବିଭୋର ହୋଇ ପଡିଥିଲେ ।
ପୂର୍ଣ୍ଣାହୂତି ପରେ କର୍ତ୍ତା ଶ୍ରୀ ବେହେରା, ପୂଜକ ତ୍ରିପାଠୀ ସଂକୀର୍ତ୍ତନ ମଣ୍ଡଳୀ ସହ ଦହିହାଣ୍ଡି ନେଇ ଗ୍ରାମ ପରିକ୍ରମା କରିଥିଲେ । ସର୍ଗିଗୁଡା ବାସୀ ପ୍ରତ୍ୟେକଙ୍କ ଘରଦାଣ୍ଡରେ ଝୋଟି ମୁରୁଜ ଦେଇ କଳସ ସ୍ଥାପନା କରି ରାଧା କୃଷ୍ଣଙ୍କୁ ସ୍ୱାଗତ କରି ପୂଜାର୍ଚ୍ଚନା କରିଥିଲେ । ଏହାପରେ ପ୍ରହରୀ ମଣ୍ଡପରେ ଦହିହାଣ୍ଡି ଭଙ୍ଗା ପର୍ବ ହୋଇଥିଲା । ସ୍ୱର୍ଗତ କ୍ଷୀରସିନ୍ଧୁ ନାଏକଙ୍କ ପୌତ୍ର ସାହିଲ ନାଏକ ଗୁଆ ପାଇବାର ସୌଭାଗ୍ୟ ଲାଭ କରିଥିଲେ । ଅନ୍ୟପଟେ ଅମାଠତୋଲା ସଂକୀର୍ତ୍ତନ ମଣ୍ଡଳୀ ଭକ୍ତି ରସାତ୍ମକ ନଗର କୀର୍ତ୍ତନ ପରିବେଶଣ କରିଥିଲେ । ଏହାପରେ ଗାଁ ସାରା ସାମୁହିକ ପ୍ରସାଦ ସେବନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସମସ୍ତଙ୍କ ସହଯୋଗରେ ଏତେବଡ ନାମଯଜ୍ଞ ସଫଳ ହୋଇ ପାରିଥିବାରୁ ସଭାପତି ଶ୍ରୀ ମାଝୀ, ସମ୍ପାଦକ ଲଳିତ ପଧାନ, ପରିଚାଳନା କମିଟିର ସମସ୍ତ ସଦସ୍ୟ ଗ୍ରାମବାସୀ, ଅଞ୍ଚଳର ସମସ୍ତ ଜନସାଧାରଣଙ୍କୁ ଶୁଭେଚ୍ଛା ଜଣାଇବା ସହ କୃତଜ୍ଞତା ଜ୍ଞାପନ କରିଛନ୍ତି ।
