ହେ ରଘୁକୁଳ ମଣି ଅଯୋଧ୍ୟା ପତି
ମର୍ଯ୍ୟାଦା ପୁରୁଷୋତ୍ତମ
ଦଶରଥ ସୁତ କୌଶଲ୍ୟା ନନ୍ଦନ
ଶାନ୍ତ ରୂପ ତୁମେ ରାମ ।।
ଚୈତ୍ର ଶୁକ୍ଳ ନବମୀ ତିଥିରେ ଲଭିଲ
ଶୁଭ ଲଗ୍ନେ ତୁମେ ଜନମ
ସଭିଏଁ ମାତାପିତା ଭ୍ରାତା ପ୍ରଜାଜନେ
ପ୍ରଶଂସିଲେ ତୁମ କରମ ।।
ପଥେ ଯାଉ ଯାଉ ଉଦ୍ଧାରିଲ ତୁମେ
ଅହଲ୍ୟାକୁ ଦେଇ ସାହା
ଶିବ ଧନୁ ଭାଙ୍ଗି ଜାନକୀ ଆଦରିଲ
ରଖିଲ ଅଯୋଧ୍ୟା ନାଆ ।।
ଜ୍ୟେଷ୍ଠ ଭାଈ ଯେ ତୁମେ ଲକ୍ଷ୍ମଣଙ୍କ
ତୁମ ସରି କିଏ ଯେ ହେବ
ଜନମ ସାର୍ଥକ ହେଲା ଯେ ତୁମ
ଦୁହେଁ ଆବିର୍ଭାବ ଏକ ଭାବ ।।
ରହିଛି ଖ୍ୟାତ ଯେ ଭକ୍ତ ହନୁମାନ
ସଂସାରେ ଯେ ଦେଲେ ବାର୍ତ୍ତା
ଶ୍ରୀରାମ ଭକ୍ତ ପାଲଟିବ ହନୁମାନ ଭକ୍ତ
ସେ ହେବେ ଭକ୍ତଙ୍କ ରକ୍ଷା କର୍ତ୍ତା ।।
✍🏾ତ୍ରିନାଥ ପଟ୍ଟନାୟକ
(ଅଧ୍ୟାପକ ତଥା କବି)
ଶିକ୍ଷକ କଲୋନୀ, ଗାନ୍ଧୀ ନଗର, କୋରାପୁଟ
ମୋ:9438362172
