କଳାହାଣ୍ଡି,୨୦/୧: କଳାହାଣ୍ଡି ଜିଲ୍ଳା ମ.ରାମପୁର ଅଂଚଳରେ ଦେଖାଦେଇଛି ବାଛୁରୀ ମଡ଼କ, କିନ୍ତୁ ପ୍ରାଣୀ ବିଭାଗରୁ ଏ ଦିଗରେ ତତ୍ପରତା ପ୍ରକାଶ ପାଉନଥିବା ଅଭିଯୋଗ ହେଇଚି । ପ୍ରାପ୍ତ ସୂଚନାରୁ ପ୍ରକାଶଯେ ମ.ରାମପୁର ନିକଟସ୍ଥ ତଳସାଗରପଡ଼ାର ରବୀନ୍ଦ୍ର ବିଶି, ମାନସ ମହାଖୁଡ଼,ଦୟା ମହାଖୁଡ଼, ସର୍ବେଶ୍ୱର ସାହୁ ପ୍ରମୁଖଙ୍କ ୨/୩ ତିନି ବର୍ଷର ବାଛୁରୀଙ୍କ ଲଗାତାର ମୃତ୍ୟୁ ହେଉଥିବା ବେଳେ ପ୍ରାଣୀ ସଂପଦର ଟୀକାକରଣ ହେଇନଥିବା ଅଭିଯୋଗ ହେଉଛି । ଏ ନେଇ ଭିଏସଙ୍କୁ ପଚାରିବାରୁ ଆଜି ଏ ସଂକ୍ରାନ୍ତରେ ଆମ ପାଖକୁ ଅଭିଯୋଗ ଆସିଛି,ଆସନ୍ତାକାଲି ଟୀକାକରଣ କରାଯିବ ବୋଲି ନିଜ ପ୍ରତିକ୍ରିୟାରେ ପ୍ରକାଶ କରିଥିଲେ । ତେବେ ପ୍ରାଣୀ ସଂପଦଙ୍କୁ ବର୍ଷକୁ ବାରଥର ଟୀକାକରଣ ବ୍ୟବସ୍ଥା ରହିଥିବାବେଳେ ତାହା ଠିକ ଭାବରେ ହେଉନଥିବା ଅଭିଯୋଗ ହେଉଛି ।
ସ୍ବତନ୍ତ୍ର ପ୍ରତିନିଧି ହେମନ୍ତ ସାହୁଙ୍କ ରିପୋର୍ଟ odiabarta.in
