ଗୁଣୁପୁର/ରାମନାଗୁଡା, ୧|୯ (ଦିଲୀପ କୁମାର ପଣ୍ଡା): ପବିତ୍ର ଜନ୍ମାଷ୍ଟମୀ ଅବସରରେ ଲିମାପଦର ରାଧାକୃଷ୍ଣ ମନ୍ଦିର ପରିସରରେ କରୋନା କଟକଣାକୁ ମାନି ଶ୍ରୀକୃଷ୍ଣ ଜନ୍ମାଷ୍ଟମୀ ପାଳିତ ହୋଇଯାଇଛି। ମନ୍ଦିର ଅଧିକାରୀ ଶଙ୍କର୍ଷଣ ପଣ୍ଡାଙ୍କ ତତ୍ଵାବଧାନରେ ଗ୍ରାମବାସୀ ଶ୍ରୀକୃଷ୍ଣ ଜନ୍ମ ଉତ୍ସବକୁ ସଂକୀର୍ତ୍ତନ ଓ ଭାଗବତ ପାରାୟଣ ମାଧ୍ୟମରେ ସୁଚାରୁ ରୂପେ ସଂପାଦନ କରିଥିଲେ। ଏହି ଅବସରରେ ଶ୍ରୀମଦ୍ଭାଗବଦ୍ ଦଶମ ସ୍କନ୍ଧର ଶ୍ରୀକୃଷ୍ଣ ଜନ୍ମ ପର୍ଯ୍ୟନ୍ତ ପାଠ କାରାଯାଇ ସ୍ନାନାଦି ବିଧି ପାଳନ କରାଯାଇଥିଲା। ପ୍ରପନ୍ନ ତ୍ରିପାଠୀ ଓ ପ୍ରମୋଦ ତ୍ରିପାଠୀ ଭାଗବତ ପାରାୟଣ କରିଥିଲେ। ସ୍ଥାନୀୟ କଳାକାର କେଦାର ନାଥ ପଣ୍ଡା, ତ୍ରିପତି ଗୌଡ଼, କାଳିଆ ପ୍ରଧାନ, ରାମ ପ୍ରଧାନ, ଆଲୋକ ପଣ୍ଡା, ହିମାଂଶୁ ପଣ୍ଡା, ଚକ୍ରପାଣି ତ୍ରିପାଠୀ, ଅକ୍ରୁର ଗୌଡ଼ ଭଜନ ପରିବେଷଣରେ ସହଯୋଗ କରିଥିଲେ।
