କୋରାପୁଟ, (ତ୍ରିନାଥ ପଟ୍ଟନାୟକ) : ଭାରତୀୟ ରେଡ଼କ୍ରସ ସୋସାଇଟି କୋରାପୁଟ ଜିଲ୍ଲା ଶାଖା ଓ ଜୁନିୟର ରେଡ଼କ୍ରସ ସୋସାଇଟି କୋରାପୁଟର ମିଳିତ ଉଦ୍ୟମରେ ଟାଙ୍କୁଆ ଗ୍ରାମ ପଞ୍ଚାୟତ ଅନ୍ତର୍ଗତ ରାଙ୍ଗିଣୀଗୁଡା ଓ ବଡ ଡିମଳା ଗ୍ରାମର ଜନସାଧାରଣଙ୍କୁ ସାବୁନ ଓ ମାସ୍କ ବଣ୍ଟନ କରାଯାଇଛି।
ଭାରତୀୟ ରେଡ଼କ୍ରସ ସୋସାଇଟି କୋରାପୁଟ ଜିଲ୍ଲା ଶାଖା ର ସମ୍ପାଦକ ତଥା ଜରୁରୀ କାଳୀନ ଅଧିକାରୀ ଜ୍ଞାନଜିତ ତ୍ରିପାଠୀ ଏବଂ ଜିଲ୍ଲା ଶିକ୍ଷା ଅଧିକାରୀ ରାମଚନ୍ଦ୍ର ନାହକଙ୍କ ସାଧୁ ଉଦ୍ୟମରେ ଜିଲ୍ଲା ଜୁନିୟର ରେଡ଼କ୍ରସ ଅଧିକାରୀ ଯଜ୍ଞେଶ୍ବର ପଣ୍ଡା, ମଡର୍ଣ୍ଣ ଇଂରାଜୀ ବିଦ୍ୟାଳୟର ଜୁନିୟର ରେଡ଼କ୍ରସ ପରାମର୍ଶ ଦାତା ନିରଞ୍ଜନ ପାଣିଗ୍ରାହୀ ଓ ଧନପୁର ଉନ୍ନୀତ ଉଚ୍ଚ ବିଦ୍ୟାଳୟର ଜୁନିୟର ରେଡ଼କ୍ରସ ପରାମର୍ଶ ଦାତା ନୃସିଂହ ପ୍ରସାଦ ଷଡଙ୍ଗୀ ଏବଂ ରେଡ଼କ୍ରସ ସାଧନକର୍ମୀ ଭାସ୍କର ଚନ୍ଦ୍ର ସାହୁ ରାଙ୍ଗିଣୀଗୁଡା ଏବଂ ବଡ଼ ଡିମଳା ଗ୍ରାମକୁ ଯାଇ ଗ୍ରାମବାସୀ ଙ୍କୁ ସାବୁନ ଓ ମାସ୍କ ବଣ୍ଟନ କରିଥିଲେ। ସାବୁନ ଓ ମାସ୍କ ପାଇବା ପରେ ଗ୍ରାମବାସୀମାନେ ଅତ୍ୟନ୍ତ ଆନନ୍ଦିତ ହୋଇଥିଲେ। ଏହି ଅବସରରେ ଗ୍ରାମବାସୀଙ୍କୁ ହାତ ଧୁଆ କୌଶଳ ଶିକ୍ଷା ଦେବାସହ ଓମିକ୍ରନ ଏବଂ ବ୍ୟକ୍ତିଗତ ସ୍ୱାସ୍ଥ୍ୟ ରକ୍ଷା ଉପରେ ସଚେତନ କରାଯାଇଥିଲା।
