ରାୟଗଡ,୭/୪ (ଶିବ ନାରାୟଣ ଗୌଡ) :
ଭାଇଚାରା ଓ ବିବିଧ ସଂସ୍କୃତିର ସହର ରାୟଗଡରେ ବର୍ଷ ତମାମ ବିଭିନ୍ନ ସଂପ୍ରଦାୟ ପକ୍ଷରୁ ବିଭିନ୍ନ ପର୍ବ ପର୍ବାଣୀ, ଲୋକ ଅନୁଷ୍ଠାନ ଓ ସାଂସ୍କୃତିକ କାର୍ଯ୍ୟକ୍ରମ ସବୁ ଅନୁଷ୍ଠିତ ହୋଇ ସହରର ଗାରିମାକୁ ମର୍ଯ୍ୟଦାବନ୍ତ କରିବା ସହ ସାରା ଓଡିଶା ତଥା ପଡୋଷୀ ରାଜ୍ୟ ଆନ୍ଧ୍ରପ୍ରଦେଶର ଆକର୍ଷଣର କେନ୍ଦ୍ର ବିନ୍ଦୁ ସାଜିଛି ରାୟଗଡ । ସେହି କ୍ରମରେ ଶନିବାର ଏଠାରେ ବସବାସ କରୁଥିବା ସିନ୍ଧି ସଂପ୍ରଦାୟ ତରଫରୁ ଏକ ବାର୍ଣ୍ଣାଢ୍ୟ ପରିବେଶ ମଧ୍ୟରେ ଆୟୋଜିତ ହୋଇଥିଲା ନବ ବର୍ଷ ପାଳନ ଓ ଝୁଲେଲାଲ୍ ଜୟନ୍ତୀ । ଉତ୍ସବ ମୂଖର ହୋଇ ଉଠିଥିଲା ରାୟଗଡ ।
ରାୟଗଡ ସହରରେ ରହୁଥିବା ସିନ୍ଧି ସଂପ୍ରଦାୟର ସିନ୍ଧି ପଂଚାୟତ ଆସୋସିଏସନ ପକ୍ଷରୁ ସ୍ଥାନୀୟ ନ୍ୟିୁ କଲୋନୀରେ ଥିବା ସିନ୍ଧି ଭବନ ଠାରେ ନୂଆ ବର୍ଷ ସହ ଝୁଲେଲାଲ ଜୟନ୍ତି ମହାସମାରୋହରେ ପାଳିତ ହୋଇଯାଇଛି । ଏହି ଅବସରରେ ଶନିବାର ପୂର୍ବାହ୍ନରେ ସ୍ଥାନୀୟ ସିନ୍ଧି ଭବନ ଠାରୁ ପିଏଚଡି ପର୍ଯ୍ୟନ୍ତ ଏକ ଶୋଭାଯାତ୍ରାରେ ନଗର ପରିକ୍ରମା କରାଯାଇଥିଲା । ସେହିପରି ସିନ୍ଧି ଭବନ ଠାରେ ସମସ୍ତ ସିନ୍ଧି ସଂପ୍ରଦାୟ ଲୋକେ ଉପସ୍ଥିତ ରହି ନୂଆ ବର୍ଷ ପାଇଁ ଉଭୟ ଉଭୟଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଥିବା ବେଳେ ପୂଜାର୍ଚ୍ଚନା କରାଯାଇଥିବା ନେଇ ଆସୋସିଏସନର ସଭାପତି ରମେଶ ଗୋଲାନୀ, ସଂପାଦକ ଇନ୍ଦର ଦାସ ପ୍ରମୁଖ ସୂଚନା ଦେଇଛନ୍ତି ।
ଲେଟେଷ୍ଟ ନ୍ୟୁଜ୍ ଅପଡେଟ୍ ପାଇବା ପାଇଁ ଆମ ହ୍ଵାଟ୍ସଆପ ଗ୍ରୁପ ଜଏନ୍ କରନ୍ତୁ👇
https://chat.whatsapp.com/IBSnOQ6qsPPJUVoq1ko4wG
