ଓଡ଼ିଆ ବାର୍ତ୍ତା/ ଜୁନାଗଡ଼ (ସ୍ବାସ୍ଥିଦୀପ ଆଦିତ୍ୟ): ସୃଷ୍ଟି ଓ ସ୍ରଷ୍ଟା ସାହିତ୍ୟ ସଂସଦର ବାର୍ଷିକ ଉତ୍ସବ ଅବସରରେ କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକର ଦିନେଶ ମେହେରଙ୍କୁ ‘ସୃଷ୍ଟି ଓ ସ୍ରଷ୍ଟା ନବ ପ୍ରତିଭା ସମ୍ମାନ ୨୦୨୪’ରେ ସମ୍ବର୍ଦ୍ଧିତ କରାଯାଇଛି। ସାହିତ୍ୟ କ୍ଷେତ୍ରରେ ରୁଚି ରଖିଥିବା ଦିନେଶ ମେହେର ଜଣେ ମଞ୍ଚ ସଂଯୋଜକ ଏବଂ ସ୍ନାତକ କଳା ବିଭାଗର ଛାତ୍ର। ଅତି ଅଳ୍ପ ବୟସରୁ ଅନେକ ସାହିତ୍ୟିକ ଅନୁଷ୍ଠାନ ସହ ଯୋଡ଼ି ହେଇ ସେ ଅନେକ କବିତା ଲେଖି ଚାଲିଛନ୍ତି। ତାଙ୍କ ମତରେ ସାହିତ୍ୟ ଜୀବନ ଜିଇଁବାର ଗୋଟେ ରାସ୍ତା, ସାହିତ୍ୟ ବିନା ଜୀବନ ଅନ୍ଧାର ଏବଂ ସାହିତ୍ୟ ହିଁ ଅନ୍ଧାର ରେ ବାଟ ଦେଖାଏ। ସୃଷ୍ଟି ଓ ସ୍ରଷ୍ଟା ସାହିତ୍ୟ ସଂସଦ ଦ୍ଵାରା ନବ ପ୍ରତିଭା ସମ୍ମାନ ପାଇବା ପରେ ତାଙ୍କ ଅଞ୍ଚଳରେ ଖୁସିର ମାହୋଲ ଦେଖିବାକୁ ମିଳିଥିବା ବେଳେ ସେ ତାଙ୍କ ଆଦର୍ଶର ବ୍ୟକ୍ତି ମାନଙ୍କ ଉପଦେଶ ଓ ଆଶୀର୍ବାଦ କାମନା କରିଛନ୍ତି।
