ନୂଆପଡା,୨୨/୩ : ୨୦୧୯ ସାଧାରଣ ନିର୍ବାଚନକୁ ବିରୋଧକରି ନୂଆପଡା ସହର ଆଖପାଖରେ ହଲଚଲ ସୃଷ୍ଟି କରିଛନ୍ତି ମାଓବାଦୀ । ପୋଷ୍ଟର, ବେନର, ସଂଗ୍ଧିଧ ସାମଗ୍ରୀ ଛାଡି ଚାଲିଯିବାସହ କାନ୍ଥ ବାଡ ଓ ସରକାରୀ ଫଳକ ଉପରେ ହିନ୍ଦୀରେ କିଛି ଲେଖିଛନ୍ତି ମାଓବାଦୀ ଯାହାକୁ ନେଇ ଜନସାଧାରଣ ଜନତାଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହେବାସହ ପୋଲିସର ମୁଣ୍ଡ ବିନ୍ଧାର କାରଣ ପାଲଟିଛି ।
ସୂଚନା ଯୋଗ୍ୟ ଯେ, ଆଜି ସକାଳୁ ନୂଆପଡା ସହର ଠାରୁ ୨ କିମି ଦୂର ଟାନୱାଟ ଛକର ଏକ ବିଦ୍ୟୁତ ଖୁଣ୍ଟ ଉପରେ ଏକ ଧଳା ବ୍ୟାଗରେ କିଛି ମେସିନ ସାମଗ୍ରୀ ଆଣି ଲଗାଇ ଦେଇଥିଲେ ସେଥିରୁ ତେଲେଗୁ ଓ ହିନ୍ଦୀ ଗୀତ ଜୋରରେ ବାଜୁ ଥିଲା ।
ଏହାସହ କିଛି ତାର ସରଞ୍ଜାମ ନିକଟସ୍ଥ ଏକ ଗଛ ତଳେ ଲଗେଇ ଥିଲେ ମାଓବାଦୀ । ଟାନୱାଟ ଗାଁ ରେ ଘରେ ଘରେ ମାଓ ପୋଷ୍ଟର ଥୋଇବା ସହ ଟାନୱାଟ ମୂଖ୍ୟରାସ୍ତା ଉପରେ ବେନର ଟାଙ୍ଗିଛନ୍ତି ଲାଲବାହିନୀ ।
ଟାନୱାଟ ଗାଁର ମଦଭାଟି, ଯାତ୍ରୀ ବିଶ୍ରାମ ଗାର ଆଦିରେ ଲାଲ ଅକ୍ଷରରେ ଭୋଟ ବର୍ଜନ କରିବାକୁ ଚେତାବନୀ ଦେବାସହ ସରକାରଙ୍କୁ ବିରୋଧକରି ଅନେକ କିଛି ଲେଖିଛନ୍ତି ମାଓବାଦୀ । 
ନୂଆପଡା ସହର ଠାରୁ ୬ କିମି ଦୂର ସାରବଙ୍ଗ-ଭଇଁଶାମୁଣ୍ଡି , ଭଇଁସାମୁଣ୍ଡି-ଭାଜିପାଲ ଆଦି ରାସ୍ତା ଉପରେ ମଧ୍ୟ ମାଓ ବେନର ସବୁ ଦେଖିବାକୁ ମିଲିଛି । 
ସବୁଠାରୁ ଗୁରୁତ୍ବପୂର୍ଣ୍ଣ କଥାହେଲା ମାଓବାଦୀ ମାନେ ବମ୍ ଛାଡି ଚାଲି ଯାଇଥିବା ତାଙ୍କର ଲେଖାରେ ଉଲ୍ଲେଖ କରିଛନ୍ତି ।
ଜନତାଙ୍କ ମଧ୍ୟରେ ଏହାକୁନେଇ ଭୟର ବାତାବରଣ ଖେଳିଯାଇଥିବା ବେଳେ ପୋଲିସ ଛାନଭିନ ଆରମ୍ଭ କରିବାସହ ମାଓ ସାମଗ୍ରୀ ସବୁ ଜବତ କରିବାରେ ଲାଗିଛି । ଖବର ଲେଖା ହେବା ପର୍ସ୍ୟନ୍ତ କୌଣସି ବିସ୍ଫୋରକ ସାମଗ୍ରୀ ପ୍ରାପ୍ତ ହୋଇନାହିଁ ।
ନୂଆପଡା ଜିଲ୍ଲା ପ୍ରତିନିଧି ମହେନ୍ଦ୍ର କୁମାର ବାଗଙ୍କ ରିପୋର୍ଟ odiabarta.in
