କବିତା : ଗ୍ରୀଷ୍ମର କବିତା

ରାସ୍ତା ଓଗାଳୁଛି ଖରା
ଭୟତ୍ରସ୍ତ ମଣିଷ ବିଚରା
ପେଟ ପାଟଣା ପାଇଁ ତ ଯିବାକୁ ପଡିବ
ଯଦିଚ ମହାବଳ ବି ଓଗାଳେ ରାସ୍ତା ।
ସ୍ବେଦ ସରସର ଦେହ
ଶୁଷ୍କ ଓଠ , ଶୁଷ୍କ ଦେହ
ଆଖି ନାକ ଓଠ ଦେଇ
ପଶିଯାଏ ଉତପ୍ତ ଜହର
ଦେହଭିତରେ ଅପ୍ରଶମିତ
ଦହନର ଜ୍ବାଳା ।

ପିଚୁରାସ୍ତା ପାଲଟିଛି
ଡହ ଡହ ନିଆଁର ଉଭେଁଇ
ପାଦ ଦେବାକୁ ଭୟ ଲାଗେ
ମିଳେନାହିଁ ଗଛଛାୟା ଟିକେ
ପ୍ରାଣ କହେ ତ୍ରାହି ତ୍ରାହି ।

ଲାଗେ, ଏଇଠାରେ ହିଁ ଜୀବନ
ନିଶେଷ ହୋଇଯିବ ବୋଧେ!

ଜ୍ୟୋତିର୍ମୟୀ ମହାନ୍ତି

ବିଜୁନଗର, ଝାରସୁଗୁଡା

ତତ୍କାଳ ନ୍ୟୁଜ୍ ଓ ଭିଉଜ୍ ସୂଚନା ପାଇବା ପାଇଁ ଲାଲ୍ ବେଲ୍ ବଟନରେ କ୍ଲିକ୍ କରି ନୋଟିଫିକେସନ୍ ସବ୍ସକ୍ରାଇ‌‌ବ୍ କରନ୍ତୁ