ସୋନପୁର,୧୬/୭ : ୨୦୧୩ ବେଚ୍ ର ଆଇଏଏସ ମନିଷା ବାନାର୍ଜୀ ସୁବର୍ଣ୍ଣପୁରର ନୂତନ ଜିଲ୍ଲାପାଳ ଭାବେ କାର୍ଯ୍ୟଭାର ଗ୍ରହଣ କରିଛନ୍ତି । ପୂର୍ବରୁ ସେ ଧର୍ମଗଡ ଉପ ଜିଲ୍ଲାପାଳ, ରାଉଲକେଲା ଏଡିଏମ ଓ Deputy Secretary (Home) in State Odisha ପରି ଗୁରୁତ୍ବପୂର୍ଣ୍ଣ ଦାଇତ୍ବ ସବୁକୁ ସୁଚାରୁରୂପେ ସଂପାଦନ କରିଆସି ସୁନାମ ଅର୍ଜନ କରିଛନ୍ତି । ତାଙ୍କର ବିଶେଷ ଅବଦାନ ପାଇଁ ଆଜିବି ରାଉଲକେଲା ଓ ଧର୍ମଗଡ ବାସୀ ତାଙ୍କୁ ଭୁଲି ପାରୁ ନାହାନ୍ତି । ଅନୁରୂପ ଭାବେ ସୁବର୍ଣ୍ଣପୁର ଜିଲ୍ଲାର ବିଭିନ୍ନ ସମସ୍ୟାକୁ ସେ ସମାଧାନ କରିପାରିବେ ବେଲି ବୁଦ୍ଧିଜିବୀ ମହଲରୁ ମତ ପ୍ରକାଶ ପାଇଛି । ପୂର୍ବତନ ଜିଲ୍ଲାପାଳ ମଧୁସୁଦନ ମିଶ୍ରଙ୍କ ପରେ ସୁବର୍ଣ୍ଣପୁର ଜିଲ୍ଲାର ଜିଲ୍ଲାପାଳ ଭାବେ ଆଜି (ମଙ୍ଗଳବାର) ପୂର୍ବାହ୍ନ ୧୦ଟା ସମୟରେ ଶ୍ରୀମତୀ ମନିଷା ବାନାର୍ଜୀ ଯୋଗଦେବାପରେ ଜିଲ୍ଲାର ଗଣମାଧ୍ୟମ ପ୍ରତିନିଧି ଓ ପ୍ରଶାସନ କୁ ସମ୍ବୋଧିତ କରି ପରସ୍ପର ମଧ୍ୟରେ ସମନ୍ବୟ ରକ୍ଷାକରି କାର୍ଯ୍ୟ କରିବାକୁ ସୂଚନା ଦେଇଥିଲେ । ନୂତନ ଜିଲ୍ଲାପାଳଙ୍କୁ ଜିଲ୍ଲାର ବିଭିନ୍ନ ମହଳରୁ ସ୍ବାଗତ କରାଯାଇଛି ।