ଲାଞ୍ଜିଗଡ,୧୬/୬ : କଳାହାଣ୍ଡି ଜିଲ୍ଲାର ବିଶ୍ବନାଥପୁର ସ୍ଥିତ ରାଧାକୃଷ୍ଣ ମନ୍ଦିର ପ୍ରାଙ୍ଗଣରେ ଲାଞ୍ଜିଗଡ ବ୍ଲକ ଯାଦବ ସମିତିର ଏକ ଜରୁରୀକାଳିନ ସଭା ଅନୁଷ୍ଠିତ ହୋଇଯାଇଛି । ବ୍ଲକ ଯାଦବ ସମିତି ସଭାପତି ଶ୍ରୀଯୁକ୍ତ ରଘୁବୀର ନାଗଙ୍କ ଅଧ୍ୟକ୍ଷତାରେ ଆୟୋଜିତ ଏହି ସଭାରେ ଯାଦବ ସମାଜର ବିଭିନ୍ନ ସମସ୍ୟା ଉପରେ ଆଲୋଚନା/ପର୍ଯ୍ୟାଲୋଚନା ହୋଇଥିଲା । ସଭା ପୂର୍ବରୁ ଯଦୁ କୂଳ ତିଳକ ଭଗବାନ ଶ୍ରୀ କୃଷ୍ଣଙ୍କ ଠାରେ ପୂଜାର୍ଚନା କରାଯାଇଥିଲା ।
ଯାଦବ ସମାଜକୁ ଆଗାମୀ ଦିନରେ କିପରି ଏକତ୍ରୀତ, ନୀତି ନିୟମ ସଂପନ୍ନ, ଶୃଙ୍ଖଲିତ ସମାଜ ସହ ବ୍ଲକ ସମିତି କୁ କିପରି ମଜଭୁତ କରାଯାଇପାରିବ, ଶିକ୍ଷାର ବିକାଶ ଓ ଅନ୍ୟାନ୍ୟ ବିଷୟରେ ଆଲୋଚନା କରାଯାଇଥିଲା । ବ୍ଲକ ଯାଦବ ସମିତିର ସଭାପତି ଶ୍ରୀଯୁକ୍ତ ନାଗଙ୍କ ସହ ଉପ-ସଭାପତି ଶୋଭାବନ ଛତର, ସମ୍ପାଦକ ଧବଳେଶ୍ବର ଠେଲା, ଯୁଗ୍ମ ସମ୍ପାଦକ କୁଶ ପୋଢ, କୋଷାଧ୍ୟକ୍ଷ ଲକ୍ଷ୍ମୀ ଚଣ୍ଡୀ ଓ ଯୁବ ଯାଦବରୁ ସଭାପତି ଡିଲେସ କୁମାର ନାଗ, ସମ୍ପାଦକ ନୃପରାଜ ଛତର, ସହ ସମ୍ପାଦକ ବଳରାମ ଗହିର, କୋଷାଧ୍ୟକ୍ଷ ବୁଧିଆ ବଗର୍ତୀ ତଥା ବ୍ଲକ ଯାଦବ ସମିତିର ସମସ୍ତ ଗ୍ରାମ୍ୟ ଗୋଷ୍ଠୀ, ଆଞ୍ଚଳିକ/ପଞ୍ଚାୟତ ସମିତିର ସଭାପତି, ଉପ-ସଭାପତି, ସମ୍ପାଦକ, ସହସମ୍ପାଦକ, କୋଷାଧ୍ୟକ୍ଷ ଉପସ୍ଥିତ ଥୀଲେ । ସର୍ବ ଶେଷରେ ସଭାପତି ଉପସ୍ଥିତ ଥିବା ସମସ୍ତ କର୍ମକର୍ତ୍ତା, ସଦସ୍ୟଙ୍କୁ ଧନ୍ୟବାଦ ଦେଇ ସଭା ସାଙ୍ଗ କରିଥିଲେ ।
ଲାଞ୍ଜିଗଡରୁ ଦୂଃଖିଶ୍ୟାମ ନାଗ (ନିଲେଶ)ଙ୍କ ରିପୋର୍ଟ odiabarta.in
For latest news & updates, click on bell button and subscribe to notifications.
Like us on Facebook👇
