ଓଡ଼ିଆ ବାର୍ତ୍ତା/ କାନପୁର: ସେପ୍ଟେମ୍ୱର ୨୭ ଅର୍ଥାତ୍ ଆଜିଠାରୁ ଆରମ୍ଭ ହେବ ଭାରତ ଓ ବାଂଲାଦେଶ ମଧ୍ୟରେ ଦ୍ୱିତୀୟ କ୍ରିକେଟ ଟେଷ୍ଟ । ୨ମ୍ୟାଚ ବିଶିଷ୍ଟ ସିରିଜରେ ଭାରତ ୧-୦ରେ ଅଗ୍ରଣୀ ରହିଛି । ତେବେ କାନପୁରରେ ଖେଳାଯିବାକୁ ଥିବା ମ୍ୟାଚରେ ବର୍ଷା ବାଧା ସୃଷ୍ଟି କରିପାରେ । ମ୍ୟାଚର ପ୍ରଥମ ୨ରୁ ୩ ଦିନ ବର୍ଷା ସମ୍ଭାବନା ଅଧିକ ରହିଛି । ଯଦି ବର୍ଷା ହୁଏ ତେବେ ଏହା ପେସ ବୋଲରଙ୍କୁ କିଛି ମାତ୍ରାରେ ସହାୟ କରିବ ବୋଲି ଆଶା କରାଯାଉଛି । ବର୍ଷାକୁ ଦେଖି ଉଭୟ ଟିମ ସେମାନଙ୍କ ଚୂଡାନ୍ତ ଏକାଦଶରେ କିଛି ପରିବର୍ତନ କରି ପାରନ୍ତି । ବୁଧବାର ବର୍ଷା ହେବା ଯୋଗୁ ଭାରତୀୟ ଟିମ ଭଲ ଭାବେ ଅଭ୍ୟାସ କରିପାରି ନ ଥିଲେ ।
