ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): କଳାହାଣ୍ଡି ଜିଲ୍ଲା ଦୋରା ସମାଜର ମକର ଭେଟଘାଟ (ପାଣ୍ଡୁଗ୍) କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ନର୍ଲା ବ୍ଲକ ନାଗଝରୀ ଠାରେ ସଭାପତି ବୀରକିଶୋର ଦୋରାଙ୍କ ଅଧକ୍ଷତାରେ ଅନୁଷ୍ଠିତ ଉଦଘାଟନୀ କାର୍ଯ୍ୟକ୍ରମରେ ନର୍ଲା ବ୍ଲକ ଉପାଧ୍ୟକ୍ଷ ଦୁର୍ଗାପ୍ରସାଦ ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ଥିବା ବେଳେ ବଡଧାରପୁର ସରପଂଚ ବଳରାମ ହରପାଲ, ଜିଲ୍ଲା ସଭାପତି ଦଶରଥ ପାତ୍ର, ଆଞ୍ଚଳିକ ଦୋରା ସମାଜର ସଂପାଦକ ମଧୁସୂଦନ ଦୋରା, ଜଳଧର ପାତ୍ରଙ୍କ ସମେତ ବିଭିନ୍ନ ଅଞ୍ଚଳରୁ ଆସିଥିବା ସମସ୍ତ ମହିଳା ଓ ପୁରୁଷ ସମବେତ ହୋଇ ପ୍ରାରମ୍ଭରେ ସ୍ଥାନୀୟ ତାରିଣୀ ମନ୍ଦିର ଠାରୁ ମଶାଲ ଶୋଭାଯାତ୍ରାରେ ବାହାରି ଗ୍ରାମ ପରିକ୍ରମା କରି ମଞ୍ଚରେ ପହଞ୍ଚିବା ପରେ ମଶାଲ ସ୍ଥାପନା କରି ପ୍ରଭୁ ଶିବଙ୍କ ଫଟୋ ଚିତ୍ରରେ ମାଲ୍ୟାର୍ପଣ ପରେ କାର୍ଯ୍ୟକ୍ରମ ଉଦଘାଟନ କରିଥିଲେ। ଉଦଯାପନୀ ସନ୍ଧ୍ୟାରେ ମୂଖ୍ୟ ଅତିଥି ପୂର୍ବତନ ମନ୍ତ୍ରୀ ବଳଭଦ୍ର ମାଝୀ ଯୋଗ ଦେଇଥିବା ବେଳେ ମୂଖ୍ୟ ବକ୍ତା ଭାବେ ନର୍ଲା ବିଡିଓ ଏନ ଜଗଜୀବନ ଚୌଧୁରୀ ମୁଖ୍ୟ ବକ୍ତା ଭାବେ ଯୋଗଦେଇ ଥିଲେ। ସମ୍ମାନୀତ ଅତିଥି ଭାବେ ରାଜ୍ୟ ସଭାପତି ସତ୍ୟମ ସ୍ବାଇଁ, ରାୟଗଡ଼ା ଜିଲ୍ଲା ସଭାପତି ଚିତ୍ତରଞ୍ଜନ ମାଲେନି, ଲାଞ୍ଜିଗଡ ବ୍ଲକ ପୂର୍ବତନ ସଭାପତି ନକୁଳ ଦୋରା, ଜିଲ୍ଲା ଉପସଭାପତି କୃପା ସିନ୍ଧୁ ଦୋରା, କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ଏବଂ କୃତି ପ୍ରତିଯୋଗୀ ମାନଙ୍କୁ ଅତିଥି ମାନଙ୍କ ଦ୍ବାରା ପୁରସ୍କୃତ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ କଳାହାଣ୍ଡି ଜିଲ୍ଲା ତଥା ପଡୋଶୀ ଜିଲ୍ଲାର କୋଣ ଅନୁକୋଣରୁ ଦୋରା ସମ୍ପ୍ରଦାୟ ଲୋକ ମକର ଭେଟଘାଟ କାର୍ଯ୍ୟକ୍ରମରେ ସାମିଲ ହୋଇଥିଲେ। ଏହି ଅବସରରେ ସମାଜର ପ୍ରତ୍ୟେକ ପରିବାର ଓ ବ୍ୟକ୍ତି ପରସ୍ପର ମଧ୍ୟ୍ୟରେ ଉତ୍ତମ ସମ୍ପର୍କ ରଖି ସହଯୋଗ ରଖିଲେ ସମାଜ ଆଗେଇ ପାରିବ ବୋଲି ମତପ୍ରକାଶ ପାଇଥିଲା। ଦୋରା ସମାଜର ଯୁବ ନେତୃତ୍ୱ ସୁଦର୍ଶନ ଦୋରା ମଞ୍ଚ ପରିଚଳନା କରିଥିବା ବେଳେ ଥବିର ଦୋରା କାର୍ଯ୍ଯକ୍ରମ ପରିଚାଳନା କରିଥିଲେ। ଅକ୍ଷୟ ଦୋରା, ସରୋଜ ଦୋରା, ଶରତ ଚନ୍ଦ୍ର ଦୋରା, ଜୟନ୍ତୀ ଦୋରା ପ୍ରମୁଖ କାର୍ଯ୍ୟକ୍ରମ ପରିଚଳନା ରେ ସହଯୋଗ କରିଥିଲେ।
