ଓଡ଼ିଆ ବାର୍ତ୍ତା/ ପୁରୁଷୋତ୍ତମପୁର (ପ୍ରସନ୍ନ କୁମାର ଦାଶ): ପୁରୁଷୋତ୍ତମପୁର ଏନଏସିର ବିଜେପି ଅଫିସରେ ମଣ୍ଡଳ ଏବଂ ବୁଥ କମିଟି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଉତ୍ତର ପ୍ରଦେଶର ପୂର୍ବତନ ମନ୍ତ୍ରୀ ତଥା ବିଜେପି ନେତ୍ରୀ ସ୍ଵାତୀ ସିଂ ପହଞ୍ଚି ମୋ ବୁଥ ସବୁଠୁ ମଜବୁତ ଉପରେ ମହିଳା ଓ ପୁରୁଷ କର୍ମୀଙ୍କ ସହ ଆଲୋଚନା କରି ସେମାନଙ୍କୁ ଦିଗଦର୍ଶନ ଦେଇଥିଲେ।
ଏନଏସି ମଣ୍ଡଳ ସଭାପତି କୃଷ୍ଣ ଚନ୍ଦ୍ର ନାୟକଙ୍କ ସଂଯୋଜନାରେ ୧୧ ଗୋଟି ବୁଥର ସଭାପତି ଓ କାର୍ଯ୍ୟକର୍ତ୍ତା ଯୋଗ ଦେଇଥିଲେ। ସଭା ପୂର୍ବରୁ ସ୍ବାତୀ ସିଂଙ୍କୁ ଦଳୀୟ ନେତା ଓ କର୍ମୀମାନେ ଭବ୍ୟ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରିଥିଲେ। ସ୍ବାତୀ ସିଂ ଓଡ଼ିଶା ଦାୟିତ୍ବରେ ରହି ତୃଣମୂଳ ସ୍ତରରେ ବିଜେପିକୁ ମଜଭୂତ କରିବାରେ ଲାଗି ପଡିଥିବା ଜଣାପଡିଛି।
ଏହି ବୈଠକରେ ନଗର ବିଜେପି ସମ୍ପାଦକ ସୂର୍ଯ୍ୟ ନାରାୟଣ ମହାରଣା ଓ ପାର୍ଟି ପରାମର୍ଶ ଦାତା ଦେବରାଜ ବେହେରାଙ୍କ ସହ ୧୧ଜଣ ବୁଥ ସଭାପତି; ଯୋଗେନ୍ଦ୍ର ଗୌଡ଼, ରମେଶ ବେହେରା, ଡ଼ି ଶ୍ୟାମ ବାବୁ ଦୋରା, କିଶୋର ଚନ୍ଦ୍ର ମହାପାତ୍ର, ଟୁକୁନା ବେହେରା, ରାଜେନ୍ଦ୍ର ସାହୁ, ବିଚିତ୍ର ନାୟକ, ବିନାୟକ ନାୟକ, ବନ୍ୟା ବେହେରା, କୃଷ୍ଣ ଚନ୍ଦ୍ର ଗୌଡ଼ଙ୍କ ସହ ବହୁ ମହିଳା କର୍ମୀ; ଉର୍ବଶୀ ବେହେରା, ଦମୟନ୍ତୀ ବେହେରା, ପିଙ୍କି ଗୌଡ଼, ପୁଷ୍ପାଞ୍ଜଳୀ ଦଳେଇଙ୍କ ସହ ଅନେକ କର୍ମୀମାନେ ମଧ୍ୟ ଉପସ୍ଥିତ ଥିଲେ।
