ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ବଲାଙ୍ଗୀର ଜିଲ୍ଲା ବେଲପଡ଼ା ବ୍ଲକ କୁ୍ଦୋଭଟା ଗ୍ରାମ ନିବାସୀ ତଥା ସଇଁତଳା ବ୍ଲକ ଘୁନସର କଲେଜର ରାଜନୀତି ବିଜ୍ଞାନ ଅଧ୍ୟାପକ ମୋହନଚରଣ ବାଗ ଓ ସଇଁତଳା ଥାନାରେ ମହିଳା କନଷ୍ଟେବଲ ଭାବେ କାର୍ଯ୍ୟରତ ରେବତୀ ଭାଟିଙ୍କ ଦ୍ଵିତୀୟ ପୁଅ ଜୀବନାନନ୍ଦ ବାଗ (ବିଟୁ) ନିଟ ପରୀକ୍ଷାରେ ସମୁଦାୟ ୬୦୬ ମାର୍କ ରଖି ଶତକଡ଼ା ୯୮.୭୩ ନମ୍ବର ସହ କୃତକାର୍ଯ୍ୟ ହୋଇଛନ୍ତି | ସେ ଗତ ୨ ବର୍ଷ ହେବ ଭୁବନେଶ୍ୱର ସ୍ଥିତ ଯୁବୋଦୟ ଏଡ଼ଭାନ୍ସ ମେଡିକାଲ କୋଚିଂ ସେଣ୍ଟରରେ ନିଟ ପାଇଁ ପ୍ରସ୍ତୁତ ହେଉଥିଲେ | ତାଙ୍କର ସର୍ବ ଭାରତୀୟ ରେଙ୍କ ୨୫୭୫୫ ରହିଛି | ବିଟୁଙ୍କ ଜେଜେବାପା କୁ୍ଦୋଭଟାର ସ୍ବର୍ଗତ ଗୌନ୍ତିଆ ଉପେନ୍ଦ୍ର ବାଗ ଏବଂ ଅଜା ଡୁଙ୍ଗୁରିପାଲି ନିବାସୀ ଅବସରପ୍ରାପ୍ତ ଶିକ୍ଷକ ଧନୁ ଭାଟି ଅଟନ୍ତି | ବିଟୁ ସଇଁତଲା ସରସ୍ବତୀ ଶିଶୁ ମନ୍ଦିରରୁ ତାଙ୍କର ଶିକ୍ଷା ଆରମ୍ଭ କରିଥିଲେ l ଏହି ସଫଳତାରେ ସଇଁତଲା ଓ ବେଲପଡ଼ା ଅଞ୍ଚଳରେ ବେଶ ଉତ୍ସାହ ପ୍ରକାଶ ପାଇଥିବା ବେଳେ ବିଟୁଙ୍କ ନିକଟକୁ ବିଭିନ୍ନ ମହଲରୁ ଶୁଭେଚ୍ଛା ବାର୍ତ୍ତା ସୁଅ ଛୁଟୁଛି |
