ମାସ୍କ ବ୍ୟବହାର, ହାତ ଧୋଇବା ଓ ସାମାଜିକ ଦୂରତା ଉପରେ ଗୁରୁତ୍ୱ ଦିଅନ୍ତୁ -ସିଡିଏମଓ

ରାୟଗଡ,୧୦/୮: ରାୟଗଡ ଜିଲ୍ଳାରେ ସୋମବାର ୨୭ଜଣ ନୂଆ ପଜିଟିଭ ଚିହ୍ନଟ ହେବା ପରେ ୧୫୦୦ସଂଖ୍ୟା ପାର କରିଛି ଆକ୍ରାନ୍ତଙ୍କ ସଂଖ୍ୟା । ଗତ କାଲି ୧୮ଜଣ ଚିହ୍ନଟ ହେବା ପରେ ଏହା ୧୪୭୯ରେ ରହିଥିବା ବେଳେ ପୁଣି ୨୭ଚିହ୍ନଟ ପରେ ୧୫୦୮ରେ ପଂହଚିଛି ପଜିଟିଭ୍ ସଂଖ୍ୟା । ଦିନକୁ ଦିନ ଜିଲ୍ଳାରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ କୋଭିଡ-୧୯ଗାଇଡଲାଇନକୁ ମାନି ଚଳିବା ପାଇଁ ପ୍ରଶାସନ ନିବେଦନ କରିଆସୁଛି । ଚିହ୍ନଟ ହୋଇଥିବା ୨୭ଜଣଙ୍କ ମଧ୍ୟରେ ୧୩ଜଣ ପୁରୁଷ ଓ ୧୪ଜଣ ମହିଳା ଆକ୍ରାନ୍ତ ରହିଛନ୍ତି ଏବଂ ଏଥିରେ ଜଣେ କରୋନା ଯୋଦ୍ଧା ସମେତ କଂଟାକ୍ଟ ଟ୍ରେସିଂରୁ ୧୬ଜଣ, ଆଇଏଲଆଇ/ସାରି ଲକ୍ଷଣ ଥିବା ୧୧ଜଣ ଚିହ୍ନଟ ହୋଇଛନ୍ତି । ସମସ୍ତ ଚିହ୍ନଟ ରୋଗୀ ହୋମ କ୍ୱାରେନଟାଇନରୁ ଚିହ୍ନଟ ହୋଇଛନ୍ତି । ରାୟଗଡ ପୈାରାଂଚଳରୁ ୧୩ଜଣ, ଗ୍ରାମାଂଚଳରୁ ୩ଜଣ, କଲ୍ୟାଣସିଂହପୁର ବ୍ଳକରୁ ଜଣେ, ଗୁଣପୁର ପୈାରାଂଚଳରୁ ୩ଜଣ, ଗୁଡାରୀରୁ ୬ଜଣ ଓ ରାମନାଗୁଡା ବ୍ଳକରୁ ଜଣେ ପଜିଟିଭ୍ ଚିହ୍ନଟ ହୋଇଥିବା ନେଇ ସିଡିଏମଓ ଡାକ୍ତର ଆର୍ତବନ୍ଧୁ ନାୟକ ସୂଚନା ଦେଇଛନ୍ତି ।

Omkar Vasthu

Near Ashish Medical Store, Bhawanipatna

ଅପରପକ୍ଷେ କୋଭିଡ ପରିଚାଳନା ଦାୟିତ୍ୱରେ ଥିବା ଜିଲ୍ଳା ନୋଡାଲ ଅଧିକାରୀ ତଥା ଜିଲ୍ଳା ଗ୍ରାମ୍ୟ ଉନ୍ନୟନ ସଂସ୍ଥା, ପ୍ରକଳ୍ପ ନିର୍ଦ୍ଦେଶକ ଅମ୍ରିତ ଋତୁରାଜଙ୍କ ଠାରୁ ଗତ ୯ତାରିଖ ପର୍ଯ୍ୟନ୍ତ ଜିଲ୍ଳାର ୧୧ଟି ବ୍ଳକ ଓ ରାୟଗଡ ଓ ଗୁଣପୁର ୨ଟି ପୈାରାଂଚଳରେ ପଜିଟିଭ୍ ଆକ୍ରାନ୍ତ, ସୁସ୍ଥ ଓ ସକ୍ରିୟ ରୋଗୀ ରହିଥିବା ତଥ୍ୟ ପ୍ରକାରେ ବିଷମକଟକ ବ୍ଳକରେ ୩୦ଜଣ ପଜିଟିଭ,୨୦ଜଣ ସୁସ୍ଥ ଓ ୧୦ଜଣ ସକ୍ରିୟ ରହିଥିବା ବେଳେ ଚନ୍ଦ୍ରପୁର ବ୍ଳକରେ ୬୩ଜଣ ପଜିଟିଭ୍ ଓ ସକ୍ରିୟ ରୋଗୀ ରହିଛନ୍ତି । ସେହିପରି ଗୁଡାରୀ ବ୍ଳକରେ ୧୧୪ଜଣ ଚିହ୍ନଟ ହୋଇଥିବା ବେଳେ ୭୪ଜଣ ସକ୍ରିୟ ଓ ୪୦ଜଣ ସୁସ୍ଥ, ଗୁଣପୁର ଗ୍ରାମାଂଚଳରେ ୨୧୩ଜଣ ପଜିଟିଭ,୨୧ଜଣ ସକ୍ରିୟ ଓ ୧୯୧ଜଣ ସୁସ୍ଥ ଓ ପୈାରାଂଚଳରେ ୧୫୨ଜଣ ପଜିଟିଭ୍ ହୋଇଥିବା ବେଳେ ୬୪ଜଣ ସକ୍ରିୟ ରୋଗୀ ଓ ୮୫ଜଣ ସୁସ୍ଥ ହୋଇଛନ୍ତି । କଲ୍ୟାଣସିଂହପୁର ବ୍ଳକରୁ ୩୨ଜଣ ପଜିଟିଭ ଓ ସକିି୍ରୟ ରୋଗୀ ରହିଥିବା ବେଳେ କାଶିପୁର ବ୍ଳକରେ ୬୩ଜଣ ପଜିଟିଭ ସହ ୩୬ଜଣ ସକ୍ରିୟ ଓ ୨୭ଜଣ ସୁସ୍ଥ ହୋଇ ଫେରିଛନ୍ତି । ସେହିପରି କୋଲନରାରେ ୩୯ଜଣଙ୍କ ମଧ୍ୟରୁ ୬ଜଣ ସକ୍ରିୟ ଓ ୩୩ଜଣ ସୁସ୍ଥ,ମୁନିଗୁଡାରେ ୫୭ଜଣଙ୍କ ମଧ୍ୟରେ ୩୦ ସକ୍ରିୟ ଓ ୨୬ ସୁସ୍ଥ,ପଦ୍ମପୁର ବ୍ଳକରେ ୧୦୬ ସକ୍ରିୟ ଥିବା ବେଳେ ୫୨ଜଣ ସକ୍ରିୟ ଓ ୫୩ଜଣ ସୁସ୍ଥ ହୋଇଛନ୍ତି । ରାମନାଗୁଡା ବ୍ଳକର ୮୯ଜଣଙ୍କ ମଧ୍ୟରେ ୫୫ଟି ସକ୍ରିୟ କେସ ରହିଥିବା ବେଳେ ୩୩ଜଣ ସୁସ୍ଥ ହୋଇଛନ୍ତି ଏବଂ ରାୟଗଡ ବ୍ଳକ ଗ୍ରାମାଂଚଳରେ ୬୯ଜଣଙ୍କ ମଧ୍ୟରେ ୪୦ଜଣ ସକ୍ରିୟ ଓ ୨୯ଜଣ ସୁସ୍ଥ ହୋଇ ଫେରିଥିବା ବେଳେ ରାୟଗଡ ପୈାରାଂଚଳରେ ସର୍ବାଧିକ ୪୪୮ଜଣ ପଜିଟିଭଙ୍କ ମଧ୍ୟରେ ୧୬୪ଜଣ ସକ୍ରିୟ ଓ ୨୮୧ଜଣ ସୁସ୍ଥ ହୋଇ ଫେରିଛନ୍ତି । ସମସ୍ତ ସକ୍ରିୟ ରୋଗୀ ଜିଲ୍ଳାର ତାଡମା, ବିଷମକଟକ, ଗୁଣପୁର କୋଭିଡ କେୟାର କେନ୍ଦ୍ର ଓ ଜେକେପୁର କୋଭିଡ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଛନ୍ତି । ଜିଲ୍ଳାରେ ବର୍ତମାନ ସୁଦ୍ଧା ୧୧ଜଣଙ୍କ ମୃତ୍ୟୁ ହୋଇଥିବା ନେଇ ସରକାରଙ୍କ ପକ୍ଷରୁ ଘୋଷଣା ହୋଇଛି ।