କୋକସରା,୧୧/୬ : କୋକସରା ପଂଚାୟତ ସମିତି ର ନିର୍ବାଚନ ପରବର୍ତୀ ବୈଠକ ଆଜି ବ୍ଲକ ଅଧ୍ୟକ୍ଷା ଶ୍ରୀମତୀ ସଭ୍ୟା ରାଣୀ ବାଗଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଏହି ବୈଠକରେ ନବନିର୍ବାଚିତ ଧର୍ମଗଡ଼ ବିଧାୟକ ଶ୍ରୀଯୁକ୍ତ ମହୋସଧି ବାଗ ଙ୍କୁ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ବସନ୍ତ କୁମାର ସେଠି ,ବ୍ଲକ ଅଧ୍ୟକ୍ଷl ଶ୍ରୀମତୀ ସଭ୍ୟା ରାଣୀ ବାଗ ,ସରପଞ୍ଚ ସଙ୍ଘ ସଭାପତି ଶ୍ରୀ କିଶୋର ଚନ୍ଦ୍ର ପ୍ରଧାନୀ ,ଉପାଧ୍ୟକ୍ଷା ଧୀରମଣି ଦାସ ,ସରପଞ୍ଚ ସଙ୍ଘ ସମ୍ପାଦିକା ଶ୍ରୀମତୀ ରଶ୍ମିରେଖା ରାଉତ ,ଓ ସମସ୍ତ 22 ଗୋଟି ପଂଚାୟତ ର ସରପଞ୍ଚ ,ସମିତିସଭ୍ୟ /ସଭ୍ୟା ଓ ସରକାରୀ କର୍ମଚାରୀ ମାନେ ମାନ୍ୟବର ବିଧାୟକ ଙ୍କୁ ସ୍ୱାଗତ ସମ୍ବର୍ଦ୍ଧନା ଜଣେଇ ଥିଲେ ।
ସମସ୍ତଙ୍କ ପରିଚୟ ପ୍ରଦାନ ପରେ ଗୋଷ୍ଠୀ ଉନ୍ନୟନ ଅଧିକାରୀ ନିଜର ଅଭିଭାଷଣ ପ୍ରଦାନ ପରେ ଗ୍ରାମପଞ୍ଚାୟତ ଅଧିକାରୀ ଶ୍ରୀ ଦାମୋଦର ବିଶ୍ୱାଳ ଙ୍କୁ ପୂର୍ବ ବୈଠକ ର ବିବରଣୀ ପଠନ ପାଇଁ ଅନୁମତି ଦେଇ ଥିଲେ । ବିଧାୟକ ନିଜର ଅଭିଭାଷଣ ରେ ସରକାର ଙ୍କ ସମସ୍ତ ଯୋଜନା କିପରି ସଫଳ ରୂପାୟନ ହେବ ସେଥିପ୍ରତି ସମସ୍ତ ଜନପ୍ରତିନିଧି ଓ ସରକାରୀ କର୍ମଚାରୀ ମାନଙ୍କୁ ସହଯୋଗ ଓ ସହଭାଗିତା ହେଲେ ହିଁ ବ୍ଲକ ର ସମସ୍ତ ଉନ୍ନୟନ କାର୍ଯ୍ୟ ସଫଳ ହେବ ବୋଲି ଅଭିବ୍ୟକ୍ତ କରି ଥିଲେ
ପରେ ବିଧାୟକ ଙ୍କ ପାଖରେ ସମିତି ସଭ୍ୟ/ସଭ୍ୟା ମାନେ ବ୍ଲକ ରେ ହେଉ ଥିବା ଅନିୟମିତତା ପାଇଁ ଅଭିଯୋଗ କରିଥିଲେ ଯେ ସେମାନେ ଯେଉଁ ପ୍ରସ୍ତାବ ଦେଉଛନ୍ତି ତାହା ଗୃହିତ ହେଉନଥିବା ଓ ପଂଚାୟତ ପ୍ରତିନିଧି ମାନଙ୍କ ସହମତି ନ ନେଇ ତାଙ୍କ ଅଜ୍ଞାତସାର ରେ ଅନେକ କିଛି କାର୍ଯ୍ୟ ସମ୍ପାଦନ କରୁଥିବା ଅଭିଯୋଗ ଆଣିଥିଲେ ସେହିପରି ସରପଞ୍ଚ ମାନଙ୍କୁ ମଧ୍ୟ ଅଣଦେଖା କରୁଥିବା ଅଭିଯୋଗ ଆସିଥିଲା ସମିତିସଭ୍ୟ/ସଭ୍ୟା ଓ କେତୋଟି ସରପଞ୍ଚ ଙ୍କ ସଭା ବର୍ଜନ ବିଷୟରେ ଗୋଷ୍ଠିଉନ୍ନୟନ ଅଧିକାରୀ ଙ୍କୁ ପଚାରିବାରୁ ସମିତି ସଭ୍ୟ ସଭ୍ୟା ମାନେ କୌଣସି ସ୍ପଷ୍ଟ ମତ ନରଖି ବୈଠକ ବର୍ଜନ କରିଛନ୍ତି ଏଣୁ ସେମାନଙ୍କ ସହ ଆଲୋଚନା କରି ଆଗାମୀ ବୈଠକ ରେ ସେମାନଙ୍କ ପ୍ରସ୍ତାବ ଉପରେ ଗୁରୁତ୍ୱ ଦିଆଯିବ ବୋଲି କହିଥିଲେ । ଜନପ୍ରତିନିଧି ମାନଙ୍କ ଅସନ୍ତୋଷ
ବ୍ୟକ୍ତ କୁ ବିଧାୟକ ମହୋଦୟ ଆଗାମୀ ଦିନରେ ସମସ୍ତ ଙ୍କ ଦାବୀ ଓ ସମସ୍ୟାର ସମାଧାନ ପ୍ରତି ଦୃଷ୍ଟି ଦିଆ ଯିବ ବୋଲି ମତବ୍ୟକ୍ତ କରି ବିଦାୟ ନେଇ ଥିଲେ ।
କୋକସରା ରୁ ହିରଣ୍ୟ ବେହରାଙ୍କ ରିପୋର୍ଟ odiabarta.in
For latest news & updates, click on bell button and subscribe to notifications.
Like us on Facebook👇
