କଳାହାଣ୍ଡି :୧୬/୬(ହେମନ୍ତ ସାହୁ) :ମ.ରାମପୁର ବ୍ଲକ ପଣ୍ଡକାମାଲ ପଂଚାୟତର ଆମ୍ବଗାଁଠାରେ ଆଜି ଅପରାହ୍ଣରେ କାଳବୈଶାଖି ପ୍ରଭାବରେ ଜୋର ପବନ ହେବା ଫଳରେ ଘରର ଆଜବେଷ୍ଟ ଉଡ଼ିଯାଇଥିବା ଦେଖିବାକୁ ମିଳିଛି । ତେବେ ଗତ କିଛି ଦିନ ଧରି ପ୍ରବଳ ଗରମ ଓ ଗୁଳୁଗୁଳି ପରେ ଆଜି ଅପରାହ୍ଣରେ ଜୋର ପବନ ସହ ଘଡ଼ଘଡ଼ି ଓ ବର୍ଷା ହୋଇଥିଲା । ଜୋର ପବନର ପ୍ରଭାବରେ ଆମ୍ବଗାଁ ଟିକେଧର ଭୁଏଙ୍କ ଘରର ଗୋଟିଏ ପାଖର ଆଜବେଷ୍ଟ ସଂପୂର୍ଣ୍ଣ ଉଡ଼ିଯାଇଛି । ଏହି ଆଜବେଷ୍ଟ ଖଣ୍ଡ ଖଣ୍ଡ ହେଇ ଘରର ଏପଟ ସେପଟ ଉଡ଼ିଯାଇଥିଲା । କିନ୍ତୁ ବର୍ଷା ସହ ପବନ ହେଉଥିବାରୁ ପଡ଼ିଶା ଲୋକେ ସମସ୍ତେ ଯିଏ ଯାହାର ଘରେ ଥିବାରୁ କିଛି ଅସୁବିଧା ହେଇନି । ତେବେ ଆଜି ଏହି ଆଜବେଷ୍ଟ ଉଡ଼ିଯିବାପରେ ଯଦି ରାତିରେ ବି ବର୍ଷା ହୁଏ ତେବେ ନାହିଁ ନଥିବା ଅସୁବିଧାର ସମ୍ମୁଖୀନ ହେବେ ଟିକେଧର ର ପରିବାର ଲୋକେ । ଏହି କ୍ଷତିର ଆକଳନ ସହ କ୍ଷତି ପୂରଣ ଦେବାକୁ ପରିବାର ବର୍ଗ ଦାବୀ କରିଛନ୍ତି ।
For latest news & updates, click on bell button and subscribe to notifications.
Like us on Facebook👇
