ଓଡ଼ିଆ ବାର୍ତ୍ତା/ ଜୁନାଗଡ଼ (ସ୍ବାସ୍ତିଦୀପ ଆଦିତ୍ୟ): ଜୁନାଗଡ଼ ବ୍ଲକ ଅନ୍ତର୍ଗତ ବଣ୍ଡାକୁଟ୍ରା କର୍ତ୍ତବ୍ୟ ଅନୁଷ୍ଠାନ ଠାରେ ଆଗା ଆଗାମି ୧୯ ତାରିଖରେ ହେବାକୁ ଥୂବା ରକ୍ଷା ବନ୍ଧନ ଓ ନିଶା ନିବାରଣ କାର୍ଯ୍ୟକ୍ରମର ପ୍ରସ୍ତୁତି ବୈଠକ ସମ୍ବାଦ ସାହିତ୍ୟ ଘର ବ୍ଲକ ସଂଯୋଜକ ସୁନ୍ଦର ମୋହନ ଛତ୍ରିଆଙ୍କ ଆହ୍ୱାନ କ୍ରମେ ଅନୁଷ୍ଠିତ ହୋଇଥିଲା । ଏଥୂରେ ସମ୍ବାଦ ସାହିତ୍ୟ ସାହିତ୍ୟ ଘରର ସଭାପତି ଅଶୋକ ପଟ୍ଟନାୟକ ଙ୍କ ସଭାପତିତ୍ୱରେ ସଭା କାର୍ଯ୍ୟ ଆରମ୍ଭ ହୋଇଥିଲା । ଏହି ବୈଠକରେ ବରିଷ୍ଠ କବି ରମେଶ ଚନ୍ଦ୍ର ନାୟକ, ଶିକ୍ଷାବିତ ରାଧେଶ୍ଯାମ ପଣ୍ଡା, ଜିଲ୍ଲା ସମ୍ବାଦ ପ୍ରତିନିଧି ଦେବେନ୍ଦ୍ର ବିଶି ସମ୍ମାନିତ ଅତିଥି ଭାବେ ଯୋଗ ଦେଇ କାର୍ଯ୍ୟକ୍ରମ ଉପରେ ନିଜ ନିଜ ମତ ରଖୁଥିଲେ ।
ଏଥିରେ ସମ୍ବାଦ ସାହିତ୍ୟ ଘରର ସଦସ୍ୟ ସୀମାଞ୍ଚଳ ନାଗ, ପ୍ରିୟବ୍ରତ ବାଣୁଆ,ଉଦ୍ଧବ ଚରଣ ସାହୁ, ବିଶ୍ବନାଥ କର, କୈଳାସ ଚନ୍ଦ୍ର ରାଉତ ଏବଂ ଜୁନାଗଡ଼ ସାମ୍ବାଦିକ ସଂଘର ସଭାପତି ହିମାଂଶୁ ବରାଡ଼ ୧୯ ତାରିଖର କାର୍ଯ୍ୟକ୍ରମକୁ ମହା ସମାରୋହରେ ପାଳନ କରିବା ସହ ବିଭିନ୍ନ ଅନୁଷ୍ଠାନର କର୍ମ କର୍ତ୍ତା, ମହିଳା ମାନଙ୍କୁ ସାମିଲ କରାଯାଇ କାର୍ଯ୍ୟକ୍ରମକୁ ସଫଳ କରାଯିବ ବୋଲି ଦୃଢକ୍ତି ପ୍ରକାଶ କରିଥିଲେ । ଏହି କାର୍ଯ୍ୟକ୍ରମ କୁ ସମ୍ବାଦ ସାହିତ୍ୟ ଘରର ସମ୍ପାଦକ ପ୍ରମୋଦ କୁମାର ଛତ୍ରିଆ ପରିଚାଳନା କରିଥିଲେ ।ଦୁତୀୟ ଅଧୂବେଶନ ରେ ସମ୍ବାଦ ସାହିତ୍ୟ ଘର ପକ୍ଷରୁ କବିତା ପାଠ କରାଯାଇଥିଲା । ଏଥିରେ ଅନେକ କବି ନିଜର କବିତା ପାଠ କରିଥିଲେ । ଏହି କାର୍ଯ୍ୟକ୍ରମକୁ ଭାଗିରଥୀ ସାଗର ପରିଚାଳନା କରିଥିବାବେଳେ କବି ପ୍ରେମଲାଲ ବାଗ ଧନ୍ୟବାଦ ଅର୍ପଣ କରିଥିଲେ ।
