ଖେଳ ପଡ଼ିଆର ଭୂମି ପୂଜନ କଲେ ନର୍ଲା ବ୍ଲକ ଉପାଧ୍ୟକ୍ଷ ଦୁର୍ଗାପ୍ରସାଦ ମହାନ୍ତି
ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକ ଅଧିନସ୍ଥ ଘଣ୍ଟମାଳ ପଞ୍ଚାୟତରେ ସରପଞ୍ଚ ଦେବେନ୍ଦ୍ର ସାଙ୍କ ନେତୃତ୍ୱରେ ୨୬ତମ ପଞ୍ଚାୟତ ସ୍ତରୀୟ କଳାହାଣ୍ଡି ଉତ୍ସବ ଘୁମୁରା-୨୦୨୪ ପାଳିତ ହୋଇଛି। ସରପଞ୍ଚଙ୍କ ନେତୃତ୍ଵରେ କାର୍ଯ୍ୟ ନିର୍ବାହୀ ଅଧିକାରୀ ଆରତୀ ମାଝୀ, ଘଣ୍ଟମାଳ ହାଇସ୍କୁଲ ପ୍ରଧାନ ଶିକ୍ଷକ ଲଳିତ ସାହୁ, ୟୁପିସ୍କୁଲର ପ୍ରଧାନ ଶିକ୍ଷକ ତ୍ରୀବିକ୍ରମ ଷଢଙ୍ଗୀ, ପ୍ରମୋଦ କୁମାର ସାହୁ, ଶିକ୍ଷୟତ୍ରୀ ଅମ୍ବିକା ପଣ୍ଡା, ଜୟଶ୍ରୀ ଗୋଚ୍ଛାୟତ, ଗୁଣାଧିଚରଣ ବାଡତ୍ୟା, ରେଖା ଖେତାନ, ସମେତ ଘଣ୍ଟମାଳ ଗ୍ରାମ ପଞ୍ଚାୟତର ସମସ୍ତ କର୍ମଚାରୀ, ଆଶା, ଅଙ୍ଗନୱାଡି କର୍ମୀ, ସ୍ୱୟଂ ସହାୟକ ଗୋଷ୍ଠୀର ସଦସ୍ୟା ମାନେ, ଗ୍ରାମ ପଞ୍ଚାୟତ ଅଧିନସ୍ଥ ସମସ୍ତ ବିଦ୍ୟାଳୟ ଗୁଡିକର ଛାତ୍ରଛାତ୍ରୀ, ଶିକ୍ଷକ ଶିକ୍ଷୟତ୍ରୀ ମାନେ ମଶାଲ ଯାତ୍ରାରେ ସାମିଲ ହୋଇଥିଲେ। ଘଣ୍ଟମାଳ ଶିବ ମନ୍ଦିରରୁ ମଶାଲ ନେଇ ଆସିବା ପରେ ଏହାକୁ ଘଣ୍ଟମାଳ ୟୁପି ସ୍କୁଲ ପରିସରରେ ଆୟୋଜିତ ମଞ୍ଚରେ ସ୍ଥାପନା କରାଯାଇଥିଲା।
ଘଣ୍ଟମାଳ ସରପଞ୍ଚ ଓ ପ୍ରଧାନ ଶିକ୍ଷକ ତ୍ରୀବିକ୍ରମ ଷଢଙ୍ଗୀ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ଏହାପରେ ପ୍ରାରମ୍ଭିକ ମଞ୍ଚ କାର୍ଯ୍ୟକ୍ରମ ସରପଞ୍ଚ ଶ୍ରୀ ସାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଏଥିରେ ସମ୍ମାନୀତ ଅତିଥି ଭାବରେ ନାଏବ ସରପଞ୍ଚ, ଘଣ୍ଟମାଳ ହାଇସ୍କୁଲର ପ୍ରଧାନ ଶିକ୍ଷକ ଲଳିତ ସାହୁ, ନର୍ଲା ପିଏନଏସ ପ୍ରତିନିଧି ସାମ୍ବାଦିକ ଲିଙ୍ଗରାଜ ମିଶ୍ର, ରଞ୍ଜନ କୁମାର ମହାନ୍ତି, ଅଭିରାମ ନନ୍ଦ, କାଶିନାଥ ଦାସ ପ୍ରମୁଖ ମଞ୍ଚାସୀନ ରହିଥିଲେ। ଏହାପରେ ସମସ୍ତ ବିଦ୍ୟାଳୟରୁ ଆସିଥିବା ଛାତ୍ରଛାତ୍ରୀଙ୍କୁ ନେଇ ସଂଗୀତ, ବକ୍ତୃତା, ଚିତ୍ରାଙ୍କନ, ସାଧାରଣ ଜ୍ଞାନ ପ୍ରଭୃତି ପ୍ରତିଯୋଗୀତା ଅନୁଷ୍ଠିତ ହୋଇଥିଲା।
ଘଣ୍ଟମାଳ ଗ୍ରାମ ପଞ୍ଚାୟତ ଅଧିନସ୍ଥ ୭ ଗୋଟି ବିଦ୍ୟାଳୟର ଶିକ୍ଷକ ଓ ଶିକ୍ଷୟତ୍ରୀ ମାନେ ପ୍ରତିଯୋଗୀତା ଗୁଡିକ ପରିଚାଳନା କରିଥିଲେ। ସେହିଭଳି ମଞ୍ଚରେ ମହିଳାଙ୍କ ପାଇଁ ହୁଳହୂଳି, ରଙ୍ଗୋଲି ପ୍ରତିଯୋଗୀତା ପ୍ରଭୃତି ଅନୁଷ୍ଠିତ ହୋଇଥିଲା। ମଧ୍ୟାହ୍ନ ଭୋଜନ ପରେ ଅପରାହ୍ନ ୪ ଘଣ୍ଟା ସମୟରେ ଦ୍ୱିତୀୟ ଅଧିବେସନରେ ପୁରସ୍କାର ବିତରଣୀ ଉତ୍ସବ ଅନୁଷ୍ଠିତ ହୋଇଥିଲା। ସରପଞ୍ଚ ଶ୍ରୀ ସାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଅଧିବେସନରେ ମୁଖ୍ୟ ଅତିଥି ଭାବରେ ନର୍ଲା ବ୍ଲକ ଉପାଧ୍ୟକ୍ଷ ଦୁର୍ଗାପ୍ରସାଦ ମହାନ୍ତି, ସମ୍ମାନୀତ ଅତିଥି ଭାବରେ ଶାନ୍ତପୁର ସମିତି ସଦସ୍ୟ ଜୟ ମେହେର, ବ୍ଲକ ଶିକ୍ଷାଧିକାରୀ ତପିମଣି ଜାନୀ, ଏବିଇଓ ଗୋବର୍ଦ୍ଧନ ମାଝୀ, ସିଆରସିସି ନାଏବ ସରପଞ୍ଚ, ଘଣ୍ଟମାଳ ଗ୍ରାମ୍ୟ କୃଷି କର୍ମଚାରୀ ଇତିଶ୍ରୀ କର ପ୍ରମୁଖ ମଞ୍ଚାସୀନ ରହି ମାର୍ଗଦର୍ଶନ ଦେଇଥିଲେ। ଇତ୍ୟବସରରେ ଘଣ୍ଟମାଳ ଗ୍ରାମ ପଞ୍ଚାୟତ ପାଇଁ ଅତ୍ୟାବଶ୍ୟକ ରହିଥିବା ଏକ ଖେଳ ପଡିଆ ନିମନ୍ତେ ମଣ୍ଡି ସମ୍ମୁଖରେ ରହିଥିବା ସରକାରୀ ଜମିରେ ଖେଳ ପଡିଆ ତିଆରି କରିବା ପାଇଁ ସରପଞ୍ଚ ଶ୍ରୀ ସାଙ୍କ ନେତୃତ୍ୱରେ ଉପାଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତି ଭୂମି ପୂଜନ କରି ନାମ ଫଳକ ଉନ୍ମୋଚନ କରିଥିଲେ। ଏହାପରେ କୃତୀ ପ୍ରତିଯୋଗୀ ମାନଙ୍କୁ ମଞ୍ଚରେ ପୁରସ୍କୃତ କରାଯାଇଥିଲା।
ଦୁଇଗୋଟି ଅଧିବେସନରେ ପ୍ରଧାନ ଶିକ୍ଷକ ଶ୍ରୀ ଷଢଙ୍ଗୀ ମଞ୍ଚ ସଂଯୋଜନା କରିଥିଲେ। କାର୍ଯ୍ୟନିର୍ବାହୀ ଅଧିକାରୀ ଆରତୀ ମାଝୀ କାର୍ଯ୍ୟକ୍ରମ ପରିଚାଳନା କରିଥିଲେ। ଶଙ୍କର ସେଠୀ, କାଶୀନାଥ ଦାସ, ଇତିଶ୍ରୀ କର, ଏମବିକେ ସଂଯୁକ୍ତା ସାହୁ, ଅଙ୍ଗନୱାଡି କର୍ମୀ ଶାନ୍ତିଲତା ସା, ମମତା ସାହୁ, ପଞ୍ଚାୟତ କର୍ମଚାରୀ ମାନେ, ୱାର୍ଡ ସଭ୍ୟ/ସଭ୍ୟା ମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଉତ୍ସବ ପରିସରରେ ବିଭିନ୍ନ ସ୍ୱୟଂ ସହାୟକ ଗୋଷ୍ଠୀ ମାନେ ନିଜ ଉତ୍ପାଦିତ ପରିବା ଓ ସାମଗ୍ରୀ ଗୁଡିକର ପ୍ରଦର୍ଶନୀ ଷ୍ଟଲ ଲଗାଇଥିଲେ। କାର୍ଯ୍ୟକ୍ରମର ଅନ୍ତିମ ପର୍ଯ୍ୟାୟରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଦିନ ଜୟ ଜଗନ୍ନାଥ ରଥ ଘଣ୍ଟମାଳ ପଞ୍ଚାୟତ ପରିକ୍ରମା କରିଥିବାରୁ ଅଞ୍ଚଳରେ ଉତ୍ସବର ମାହୋଲ ଦେଖା ଯାଇଥିଲା।
