କୋରାପୁଟ ସାଂସଦ ସପ୍ତଗିରି ଶଙ୍କର ଉଲାକାଙ୍କ ‘ଭେଟ ଘାଟ’ କାର୍ଯ୍ୟକ୍ରମ
ସମ୍ପ୍ରଦାୟ ସମ୍ପର୍କକୁ ମଜଭୁତ କରିବା ଲକ୍ଷ୍ୟ
ଓଡ଼ିଆ ବାର୍ତ୍ତା/ ରାୟଗଡା (ଶିବ ନାରାୟଣ ଗୈାଡ): ଆସନ୍ତା ସାଧାରଣ ନିର୍ବାଚନରେ କଂଗ୍ରେସର ବାଜିମାତ ପାଇଁ କୋରାପୁଟ ଲୋକସଭା ସାଂସଦ ସପ୍ତଗିରି ଉଲାକାଙ୍କ ମାରାଥନ କର୍ମୀ ସମ୍ମିଳନୀ | କୋରାପୁଟ ସାଂସଦ ସପ୍ତଗିରି ଶଙ୍କର ଉଲାକାଙ୍କ ଦ୍ୱାରା ଆରମ୍ଭ ହୋଇଥିବା କାର୍ଯ୍ୟକ୍ରମ ‘ଭେଟ ଘାଟ’ ମାଧ୍ୟମରେ ସମ୍ପ୍ରଦାୟ ସମ୍ପର୍କ ସହ ଯୋଗାଯୋଗ ଜାରି ରଖିଛନ୍ତି। ଜାନୁଆରୀ ୨୫ ରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମରେ ଶ୍ରୀ ଉଲାକା କାଶୀପୁର ବ୍ଲକରେ ସାଂସଦ ଉନ୍ନୟନ ପାଣ୍ଠି ରୁ ନିର୍ମିତ ହେଇଥିବା ଗାନ୍ଧୀ ଭବନ କୁ ଉଦଘାଟନ କରିବା ସହିତ ସ୍ୱାସ୍ଥ୍ୟକେନ୍ଦ୍ର ଓ ପିଇବା ପାଣି ସମସ୍ୟା ନେଇ କାଶୀପୁର ପଞ୍ଚାୟତ ସମିତି କାର୍ଯ୍ୟାଳୟ ଆଗରେ ବିଡିଓଙ୍କ ବିରୁଦ୍ଧରେ ବିକ୍ଷୋଭ ପ୍ରଦର୍ଶନ ସମୟରେ ଆନ୍ଦୋଳନରତ କାହ୍ନୁଗୁଡା ଗ୍ରାମବାସୀ ଙ୍କୁ ସମର୍ଥନ ଜଣାଇ ସେଥିରେ ସାମିଲ ହୋଇଥିଲେ | ପରେ ବ୍ଲକର ଖୁରିଗାଁ କାଶୀପୁର, ଚନ୍ଦ୍ରଗିରି, ସିନ୍ଧୁରଘାଟି ଏବଂ ସୁଙ୍ଗର, ତଳଝିରୀ, ମାଣ୍ଡିବିସି, ଗୋଡିବାଲି, ସିରିପାଇ,ସିକରପାଇ ୯ ଗୋଟି ଗ୍ରାମ ପଞ୍ଚାୟତ ପରିଦର୍ଶନ କରିଥିଲେ | ସେହିପରି ଶୁକ୍ରବାରରେ ରାୟଗଡା ବିଧାନସଭା ନିର୍ବାଚନ ମଣ୍ଡଳୀ ର ବାଇଶିଙ୍ଗ ଗ୍ରାମପଞ୍ଚାୟତ ର ଜରାବାଡି ଗ୍ରାମରେ ଏବଂ କୁଲି ପଞ୍ଚାୟତ ର କୋନଳି ଗ୍ରାମରେ ଦୁଇଟି ଜିଓ ଟାୱାରର ଉଦ୍ଘାଟନ କରିଛନ୍ତି l ଯାହା ବହୁ ପ୍ରତିକ୍ଷିତ ସମୟର ଅନ୍ତ ଘଟାଇ ସେଠାକାର ଗ୍ରାମବାସୀ ଆଜି ଡିଜିଟାଲ ଦୁନିଆରେ ପାଦ ଥାପି ପାରିଛନ୍ତି ବୋଲି ଶ୍ରୀ ଉଲାକା କହିଛନ୍ତି |
ସେହିପରି କୋରାପୁଟ ସଂସଦୀୟ କ୍ଷେତ୍ରର ରାୟଗଡ଼ା ବ୍ଲକ ଅନ୍ତର୍ଗତ ବାଇଶିଙ୍ଗ ଠାରେ ଆୟୋଜିତ ହୋଇଥିବା ସାଧାରଣ ସଭାରେ ଯୋଗଦାନ କରିବା ସହ ସାଂସଦ ପାଣ୍ଠି ଦ୍ବାରା ହୋଇଥିବା ବିକାଶକୁ ଲୋକଲୋଚନକୁ ଆଣିଥିଲେ । ଗ୍ରାମର ବୟସ୍କ ଲୋକଙ୍କୁ ଶୀଘ୍ର ବାର୍ଦ୍ଧକ୍ୟ ଭତ୍ତା ଏବଂ ସ୍କୁଲ ନିର୍ମାଣ କରିବାର ପ୍ରତିଶ୍ରୁତି ଦେଇଥିଲେ l ଏହାସହ ଆଗାମୀ ଦିନରେ ଆହୁରି ଅଧିକ ମାତ୍ରାରେ ଉନ୍ନୟନ ମୂଳକ କାର୍ଯ୍ୟ ହେବା ନେଇ ଗ୍ରାମବାସୀଙ୍କ ସହ ଆଲୋଚନା କରିଥିଲେ |‘ଭେଟ ଘାଟ’ ପଦକ୍ଷେପର ପ୍ରଥମ ଦିନରେ ଶ୍ରୀ ଉଲାକା ସକ୍ରିୟ ଭାବରେ ଲୋକଙ୍କ ସହ ଜଡିତ ହୋଇ ସେମାନଙ୍କ ସମସ୍ୟା ଏବଂ ଚିନ୍ତାଧାରାକୁ ଧ୍ୟାନ ଦେଇ ଶୁଣୁଥିଲେ। ଏହି ସମସ୍ୟାର ତୁରନ୍ତ ସମାଧାନ କରିବାକୁ ତାଙ୍କର ପ୍ରତିଶ୍ରୁତି ସଂସଦ ସ୍ତରରେ ପ୍ରଭାବଶାଳୀ ପ୍ରତିନିଧିତ୍ୱ ପାଇଁ ତାଙ୍କର ପ୍ରତିବଦ୍ଧତାକୁ ଦର୍ଶାଉଛି ବୋଲି ସଂସଦୀୟ କ୍ଷେତ୍ରରେ ଆଲୋଚନାର ବିଷୟ ପାଲଟିଛି | ତୃଣମୂଳ ସ୍ତରରେ ସକ୍ରିୟ ଭାବରେ ଅଂଶଗ୍ରହଣ କରି, ସେମାନେ ପ୍ରତ୍ୟକ୍ଷ ଯୋଗାଯୋଗ ପାଇଁ ଏକ ଚ୍ୟାନେଲ ସୃଷ୍ଟି କରିବାକୁ ଲକ୍ଷ୍ୟ ରଖିଛନ୍ତି ଏବଂ ନିଶ୍ଚିତ କରିଛନ୍ତି ଯେ ଲୋକଙ୍କ ଆବଶ୍ୟକତାକୁ ପ୍ରାଥମିକତା ଦିଆଯାଉଛି | ସାଂସଦ ସପ୍ତଗିରିଙ୍କ ଏଭଳି କର୍ମୀ ସମ୍ମିଳନୀକୁ ନେଇ କଂଗ୍ରେସ ନେତା ଓ କର୍ମୀଙ୍କ ମଧ୍ୟରେ ଉତ୍ସାହ ଖେଳିଯାଇଛି |
