ଓଡ଼ିଆ ବାର୍ତ୍ତା/ ବାଲେଶ୍ବର (କୃଷ୍ଣ କୁମାର ମହାନ୍ତି): ଫକୀରମୋହନ ସାହିତ୍ୟ ପରିଷଦ ତରଫରୁ ବିଭିନ୍ନ ପ୍ରତିଯୋଗିତା ଶାନ୍ତିକାନନରେ ଆସନ୍ତା ୫ ତାରିଖ ରବିବାର ଦିନ ଅନୁଷ୍ଠିତ ହେବ। ଏହି ପ୍ରତିଯୋଗିତାରେ ତୃତୀୟରୁ ଦଶମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀମାନେ ଅଂଶଗ୍ରହଣ କରିପାରିବେ। ଚିତ୍ରାଙ୍କନ, ଫକୀରମୋହନଙ୍କ କବିତା ଆବୃତ୍ତି, ବିଜ୍ଞାନ ଭିତ୍ତିକ ପ୍ରବନ୍ଧ, ଫକୀରମୋହନ ଓ ଗୋପବନ୍ଧୁ ସଂପର୍କିତ ପ୍ରବନ୍ଧ ଏବଂ ଜଣା ଅଜଣା କୁଇଜ୍ (ମହାବିଦ୍ୟାଳୟ ସ୍ତରୀୟ) ପ୍ରତିଯୋଗିତା ଅନୁଷ୍ଠିତ ହେବ। ପ୍ରତିଯୋଗିତା ପାଇଁ କୌଣସି ପ୍ରବେଶ ଶୁଳ୍କ ଦେବାକୁ ପଡ଼ିବ ନାହିଁ। ସମସ୍ତ ପ୍ରତିଯୋଗିତା ସକାଳ ୯ ଟାରୁ ଆରମ୍ଭ ହୋଇ ଅପରାହ୍ନ ୪.୩୦ରେ ଶେଷ ହେବ। କୃତି ପ୍ରତିଯୋଗୀଙ୍କୁ ଜାନୁଆରି ୧୬ ଗୁରୁବାର ପୂର୍ବାହ୍ନ ୧୦ଟା ସମୟରେ ଫକୀରମୋହନ ଜୟନ୍ତୀ ଉଦ୍ଯାପନୀ ସମାରୋହରେ ଶାନ୍ତିକାନନ ଠାରେ ପ୍ରମାଣପତ୍ର ଓ ଅର୍ଥରାଶି ସହ ପୁରସ୍କୃତ କରାଯିବ। ପ୍ରତିଯୋଗିତା ସଂପର୍କରେ ସବିଶେଷ ତଥ୍ୟ ନିମନ୍ତେ ସଂପାଦକ ଡକ୍ଟର ରତ୍ନାକର ସିଂହଙ୍କ ଫୋନ ନମ୍ବର ୯୮୬୧୬୫୯୭୭୪, ୯୪୩୭୧୪୮୩୫୩ରେ ଯୋଗାଯୋଗ କରିବା ନିମନ୍ତେ ପରିଷଦ ପକ୍ଷରୁ ଅନୁରୋଧ କରାଯାଇଛି।
