ସଇଁତଲା,୨୩/୭ : ଆଷାଢ ଯାଇ ଶ୍ରାବଣ ଆସିଲା ହେଲେ ବର୍ଷା ରାଣୀର ଦେଖା ଦର୍ଶନ ନାହିଁ । ଜଳ ବିହୁନେ ଜଳାଶୟ ସବୁ ସୁଷ୍କ ପଡିଥିବା ବେଳେ ଉଜୁଡି ଯାଉଛି ଫସଳ । ଶ୍ରାବଣ ମାସରେ ବର୍ଷା ବଦଳରେ ବାଇଆ କରୁଛି ଖରା । ମୁଣ୍ଡ ଫଟା ଖପାରେ ଜଳି ଯାଉଛି ଫସଳ । ଚିନ୍ତାରେ ପଡି ଯାଇଛି ଚାଷୀ । ଏବର୍ଷ ଖରିପ୍ ଋତୁ ଆରମ୍ଭରୁ ହିଁ ଲୁଚକାଳି ଖେଲିଲା ବର୍ଷା । ପାଗ ଅନୁକୂଳ ନହେବା ସତ୍ତ୍ବେ ଉପରବାଲାକୁ ଭରଷାକରି ଧାନ ବୁଣା, ତଳି ପକାଇବା ଆରମ୍ଭ କଲା ଚାଷୀ । ହେଲେ ଠିକ୍ ବେଳକୁ ଇନ୍ଦ୍ର ସାଜିଲା ବଇରି ।
ସ୍ବଳ୍ପ ବୃଷ୍ଟିପାତ ଯୋଗୁଁ ବଲାଙ୍ଗିର ଜିଲ୍ଲା ସାରା ଫସଳହାନୀ ହେବାର ଆଶଙ୍କା ଦେଖା ଦେଇଛି । ଜିଲ୍ଲାର ସଇଁତଲା ବ୍ଲକର ଅନେକ ସ୍ଥାନରେ ଗଜା ମରୁଡି ପରିସ୍ଥିତି ଦେଖା ଯାଇଥିବା ବେଳେ ଅନେକ ସ୍ଥାନରେ ଜମି ଫାଟି ଆଁ କଲାଣି । ତଳିଘାରି ସବୁ ଖରାର ତେଜ ସହିନପାରି ନଷ୍ଟ ହେବାକୁ ଲାଗିଛି । ପନିପରିବା ଚାଷ ପାଣି ନ ପାଇ ଉଜୁଡି ଗଲାଣି । ଅଗମୀ ଦୁଇ ତିନି ଦିନ ଭିତରେ ଯଦି ବର୍ଷା ନହୁଏ ତେବେ ଏ ବର୍ଷ ଖରିଫ ଫସଳକୁ ବଞ୍ଚାଇ ହେବ ନାହିଁ ବୋଲି କୋହଭରା କଣ୍ଠରେ ପ୍ରକାଶ କରିଛନ୍ତି ସଇଁତଲା ଅଞ୍ଚଳ ର ଚାଷୀ ।
ସଇଁତଲାରୁ ଗୋକୁଲା ନନ୍ଦ ବଗର୍ତ୍ତୀଙ୍କ ରିପୋର୍ଟ odiabarta.in
For latest news & updates, click on bell button and subscribe to notifications.
Like us on Facebook👇
http://facebook.com/odiabarta
