ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ମ.ରାମପୁର ବ୍ଲକ ଉର୍ଲାଦାନି ସ୍ଥିତ ଶହୀଦ ରେଣ୍ଡୋ ମାଝୀଙ୍କ ପ୍ରତିମୂର୍ତ୍ତି ପରିସରରେ ଆଜି ‘ମା ପାଇଁ ଗଛଟିଏ କାର୍ଯ୍ୟକ୍ରମ’ ଅନୁଷ୍ଠିତ ହୋଇଯାଇଛି।ଭାରତ ସରକାରଙ୍କ ଯୁବ ବ୍ୟାପାର ଓ କ୍ରୀଡା ମନ୍ତ୍ରାଳୟ ଅଧିନସ୍ଥ ମେରା ଯୁବା ଭାରତ କଳାହାଣ୍ଡି ଶାଖା ନେତୃତ୍ୱରେ ଏନେଇ ଆୟୋଜିତ କାର୍ଯ୍ୟକ୍ରମରେ ଅତିଥିଭାବେ ଉର୍ଲାଦାନୀ ସିଆରପିଏଫ ୬୪ ବାଟାଲିଆନ ଆସିଷ୍ଟାଣ୍ଡା କମାଣ୍ଡେଣ୍ଟ ମଞ୍ଜିତ ସିଂ, ସିଆରପିଏଫ ଇନିକ୍ସପେକଟର ଯୁଗଳ କିଶୋର, ମ.ରାମପୁର ବନାଞ୍ଚଳ ଅଧିକାର ଅସିତ କୁମାର ଦାସ, ଜିଲ୍ଲା ଯୁବ ଅଧିକାରୀ ପ୍ରସନ୍ନ କୁମାର ମେହେର, ସମାଜସେବୀ ନୀଳମାଧଵ ସିଂଦେଓ, ସମାଜସେବୀ ପ୍ରଦୀପ ସାହୁ, ପ୍ରକୃତି ବନ୍ଧୁ ସନତ କୁମାର ସାହୁ, ହେମସାଗର ସାହୁ ଓ ଶମ୍ଭୁ ବିଶି, ସ୍ଵେଛାସେବୀ ଚୁଳମଣୀ ମାଝୀ, ରାଜବୀର ବାଗ, ଅନିଲ ପରାସେଠ ପ୍ରମୁଖ ଉପସ୍ଥିତ ରହି ମାନବ ସମାଜକୁ ବୃକ୍ଷର ଅବଦାନ ଓ ବୃକ୍ଷରୋପଣର ଉପକାରିତା ଉପରେ ଆଲୋକପାତ କରିଥିଲେ।ଉର୍ଲାଦାନୀ ସିଆରପିଏଫ ୬୪ ବାଟାଲିୟନର ଯବାନ ଓ ଗୋପବନ୍ଧୁ ଯୁବକ ସଂଘର କର୍ମକର୍ତ୍ତା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ସେହିପରି ବମକ ଗ୍ରାମପଞ୍ଚାୟତ ଅଇଁଲାପାଲି ଗ୍ରାମର ଗଜାନନ ଯୁବକ ସଂଘ ଓ ମୁଡିଙ୍ଗ ଗ୍ରାମ ପଞ୍ଚାୟତ ପକେଲପଡାର ଶ୍ରୀ ବିନାୟକ ଯୁବକ ସଂଘ ତରଫରୁ ମଧ୍ୟ ମା ପାଇଁ ଗଛଟିଏ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
