କଳାହାଣ୍ଡି, (ସୁଶାନ୍ତ କୁମାର ଦଳେଇ): ଆଜି କଳାହାଣ୍ଡି ଜିଲ୍ଲା କେଗାଁ ଥାନା ଫଟାମୁଣ୍ଡା ଗ୍ରାମରେ ଜଣେ ବିବାହିତ ଆତ୍ମହତ୍ୟା କରିଥିବା ବେଳେ ଘଟଣାସ୍ଥଳରେ କେଗାଁ ପୋଲିସ ପହଞ୍ଚି ତଦନ୍ତ ଜାରିରଖିଛ । ପୋଲିସ ସୂତ୍ରରୁ ପ୍ରକାଶ ଯେ ଆଜି ସକାଳ ସମୟରେ ଫଟାମୁଣ୍ଡା ଗ୍ରାମ ପ୍ରାଥମିକ ବିଦ୍ୟାଳୟ ପଛପଟେ ଏକ ବିବାହିତ ଯୁବକ ଗାମୁଛା ଲଗାଇ ଆତ୍ମହତ୍ୟା କରିଥିବା ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ ।
ଆତ୍ମହତ୍ୟା କରିଥିବା ଯୁବକ ଜଣକ ଉକ୍ତ ଗ୍ରାମର ବିଭୁତି ସେଠୀ(୪୫) । ଉକ୍ତ ବିବାହିତ ଯୁବକ ଜଣକଙ୍କ ମାନସିକସ୍ଥିତି ଠିକ ନଥିବା ପରିବାର ଲୋକେ ପୋଲିସ ପାଖରେ ପ୍ରକାଶ କରିଥିବା ଜଣାପଡ଼ିଛି । ଅପରପକ୍ଷରେ କେଗାଁ ଥାନା ଅଧିକାରୀ ମନୋରଞ୍ଜନ କୁମ୍ଭାର ଥାନା କେସ ନମ୍ବର ୧ ରେ ଏକ ଅପମୃତ୍ୟ ମାମଲା ରୁଜୁ କରି ଶବଟିକୁ ବ୍ୟବଚ୍ଛେଦ ପାଇଁ ପଠାଇ ଥିବା ଜଣାପଡିଛି । ସଂପୃକ୍ତ ଯୁବକଙ୍କ ଘରେ ବର୍ତ୍ତମାନ ତାଙ୍କ ସ୍ତ୍ରୀ ଦୁଇ ପୁଅ ଓ ଜଣେ ଝିଅ ଥିବା ଜଣାପଡିଛି ।
