୮ବାଇକ ଓ ୯୫ହଜାର ଟଙ୍କା ଜବତ
ଓଡ଼ିଆ ବାର୍ତ୍ତା/ କଳାହାଣ୍ଡି (ସୁଶାନ୍ତ କୁମାର ଦଳେଇ): ଜୁଆ ଆଡ୍ଡା ଉପରେ ଚଢାଉ । ୬ଜୁଆଡିଙ୍କୁ ଗିରଫ କରିଛି ପୋଲିସ । ଏହାସହିତ ଖେଳରେ ବ୍ୟବହୃତ ତାସ,ଏକ ପଲିଥିନ, ୯୫ହଜାର ଟଙ୍କା ଓ ୮ବାଇକକୁ ଜବତ କରିଛି ପୋଲିସ । ତେବେ କିଛି ଜୁଆଡି ଫେରାର ହୋଇଯାଇଥିବା ଜଣାପଡିଛି । ସୂଚନା ଅନୁସାରେ, ଗୋଲାମୁଣ୍ଡା ଥାନା ଘୋଟିଆ ମଣ୍ଡି ନିକଟରେ ଦୀର୍ଘ ଦିନ ଧରି ଜୁଆ ଆଡ୍ଡା ଚାଲିଥିଲା । ଏନେଇ ଖବର ପାଇ ପୋଲିସ ଚଢାଉ କରିଥିଲା । ଗୋଲାମୁଣ୍ଡା ଥାନା ଆଇଆଇସି ଯୁଗଳ ଶବର ଙ୍କ ନେତୃତ୍ୱରେ ଏକ ଟିମ୍ ଚଢାଉ କରିଥିଲା । ତେବେ ପୋଲିସର ଏହି ଚଢାଉରେ ୬ଜଣଙ୍କୁ ଗିରଫ କରାଯାଇଛି । ସେହିପରି ଘଟଣାସ୍ଥଳରୁ ୬ଟି ମୋବାଇଲ ଫୋନ ସହ ବାଇକ ମଧ୍ୟ ଜବତ କରାଯାଇଛି ଓ ୬ଜଣକୁ ଆଜି କୋର୍ଟ ଚାଲାଣ କରିଥିବା ଜଣାପଡ଼ିଛି ।
