ଓଡ଼ିଆ ବାର୍ତ୍ତା/ କେସିଙ୍ଗା (ମଧୁସୂଦନ ଠାକୁର): କାଣ୍ଡେଲ ପ୍ରାଥମିକ ସମବାୟ ସମିତି ସଭାପତି ଭାବେ ନିର୍ବାଚିତ ହୋଇଛନ୍ତି ତ୍ରିପୁର ନାଏକ। ଏହି ପେକ୍ସରେ ୧୫ଜଣ ଡାଇରେକ୍ଟର ଅଛନ୍ତି। ସଭାପତି ପଦବୀ ପାଇଁ ଠାକୁର ସାହୁ ଓ ତ୍ରିପୁର ନାଏକ ପ୍ରତିଦ୍ବନ୍ଦିତା କରିଥିଲେ। ତ୍ରିପୁର ନାଏକ ୧୧ଖଣ୍ଡ ଭୋଟରେ ବିଜୟୀ ହୋଇଥିବା ଜଣାପଡିଛି। କାଣ୍ଡେଲ ନାଏବ ସରପଞ୍ଚ ବ୍ରଜବନ୍ଧୁ ନାଏକ, ପୂର୍ବତନ ସରପଞ୍ଚ ପଙ୍କଜ ଗଉଡଙ୍କ ସମେତ ଛାୟାକାନ୍ତ ମାଝୀ, ଚନ୍ଦ୍ରଧ୍ବଜ ମହଲା, ରମାକାନ୍ତ ଗଉଡ, ଡୁଲାମଣି ଗଉଡ, ଚିନ୍ତାମଣି ମାଝୀ, ଅନ୍ତୁ ସାହୁ, ଯୋଗେଶ୍ୱର ବାଗ ପ୍ରମୁଖଙ୍କ ସହ ପେକ୍ସର ଡାଇରେକ୍ଟର ଏବଂ ବିଭିନ୍ନ ମହଲରୁ ନବ ନିର୍ବାଚିତ ସଭାପତି ଶ୍ରୀ ନାଏକଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି। ଚାଷିଙ୍କ ହିତ ପାଇଁ ସେ କାମ କରିବେ ବୋଲି କାଣ୍ଡେଲ ପ୍ରାଥମିକ ସମବାୟ ସମିତିର ନୂତନ ସଭାପତି ତ୍ରିପୁର ନାଏକ ମତ ବ୍ୟକ୍ତ କରିଛନ୍ତି।
