ଓଡିଆ ବାର୍ତ୍ତା/ କଳାହାଣ୍ଡି (ସୁଶାନ୍ତ କୁମାର ଦଳେଇ): ସ୍ୱାଧିନତାର ୭୫ ବର୍ଷ ପୂର୍ତ୍ତି ଅବସରରେ ସାରା ଦେଶ ଆଜାଦୀ କା ଅମୃତ ମହୋତ୍ସବ ପାଳନ କରୁଛି । ଏଥିପାଇଁ କାଶ୍ମୀର ଠାରୁ କନ୍ୟାକୁମାରୀ ଉତ୍ସବମୁଖର ହୋଇଉଠିଛି । ଲୋକେ ନିଜ ଘର କିମ୍ବା ଦୋକାନ ଉପରେ ତ୍ରରିଙ୍ଗା ଉଡାଇ ହର ଘର ତ୍ରିରଙ୍ଗା ନାରା ସଫଳ କରୁଛନ୍ତି । ଏହି ଅବସରରେ ଆଜି କେଗାଁଠାରେ ଥିବା ୬୪ ବାଟାଲିୟନ ସିଆରପିଏଫ ପକ୍ଷରୁ ହର ଘର ତ୍ରରିଙ୍ଗା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
୬୪ ବାଟାଲିୟନ ସିଆରପିଏଫ ସମସ୍ତ ପଦାଧିକାରୀ ଓ ସମସ୍ତ ଜବାନ ହାତରେ ତ୍ରରିଙ୍ଗା ଧରି ସିଆରପିଏଫ କ୍ୟାମ୍ପରୁ ଏକ ର୍ୟାଲି ବାହାରି କେଗାଁ ମୁଖ୍ୟ ଛକ ପର୍ଯ୍ୟନ୍ତ ପହଞ୍ଚି ଥିଲେ । ଏଠାରେ ସ୍ଥାନୀୟ ଲୋକମାନଙ୍କୁ ନିଜ ଘର ଉପରେ ଓ ଦୋକାନ ଉପରେ ତ୍ରରିଙ୍ଗା ଉଡାଇ ହର ଘର ତ୍ରରିଙ୍ଗା କାର୍ଯ୍ୟକ୍ରମକୁ ସଫଲ କରିବା ସହିତ ଭାରତ ମା ସେବାରେ ନିଜକୁ ଉତ୍ସର୍ଗୀକୃତ କରିବାକୁ ଆହ୍ୱାନ ଦେଇଥିଲେ । ସିଆରପିଏଫର ଏହି କାର୍ଯ୍ୟକୁ ଅଂଚଳବାସୀ ପ୍ରଶଂସା କରିବା ସହିତ ଲୋକେ ନିଜ ଘର ଓ ଦୋକାନ ଉପରେ ତ୍ରିରଙ୍ଗା ଉଡାଉଥିବା ଦେଥିବାକୁ ମିଳିଛି ।
