ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ଭୁବନେଶ୍ୱର ସିମ ଫୋନି ମଲ ଠାରେ ଅର୍ଗସ ନିୟୁଜର ତୃତୀୟ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି l ଏହି ଅବସରରେ ବେଷ୍ଟ ରିପୋର୍ଟର ଆୱାର୍ଡରେ ବଲାଙ୍ଗୀର ଜିଲ୍ଲା ଟିଟିଲାଗଡ଼ ଅର୍ଗସ ପ୍ରତିନିଧି ତଥା ଯୁବ ସମ୍ବାଦିକ ଅଜିତ କୁମାର ସାହୁଙ୍କୁ ସମ୍ମାନିତ କରାଯାଇଛି l ଏହି ଅବସରରେ ଅର୍ଗସ ନିୟୁଜର ମୁଖ୍ୟ ସମ୍ପାଦକ ସଞ୍ଜୟ ଜେନା, ସିଇଓ ପ୍ରକାଶ ସାହୁ,ଏକ୍ସଜୁକୁଟିଭ ଏଡିଟର ଦୁର୍ଗାଶୀଷ, ଶାନ୍ତିଭୂଷଣ ମିଶ୍ର ପ୍ରମୁଖ ଉପସ୍ଥିତ ରହି ସମ୍ମାନିତ କରିଥିଲେ l
ଏହି ସମ୍ମାନରେ ଶିବାନନ୍ଦ ଦାସ , ବିକାଶ ମହାନ୍ତି, ତରୁଣ ସାହୁ, ସତରୂପା ସାମନ୍ତରାଏ ପ୍ରମୁଖଙ୍କ ଭଲ ପାଇବା ଓ ସହଯୋଗ ଯୋଗୁଁ ସଫଳତା ମିଳିଛି ବୋଲି ଅର୍ଗସ ପରିବାରର ସମସ୍ତ ସଦସ୍ୟଙ୍କୁ ଅଜିତ ଧନ୍ୟବାଦ ଜଣାଇଛନ୍ତି l ଏହି ବେଷ୍ଟ ରିପୋର୍ଟର ଆୱାର୍ଡରେ ସମ୍ମାନିତ ହେବା ପରେ ଅଜିତଙ୍କୁ ଓଡିଶା ସାମ୍ବାଦିକ ସଂଘ (ଓଜେୟୁ ) ଜିଲ୍ଲା ସଭାପତି ପ୍ରମୋଦ ସେଲମା, ସମ୍ପାଦକ ସୁଧୀର ଦାସ, ସଂଘର ଉପଦେଷ୍ଟା ମନୋଜ ଶତପଥୀ, ସଇଁତଲା ସଂଘ ସଭାପତି ନାରାୟଣ ସାହୁ, ସମ୍ପାଦକ ବିଶାଳ ଅଗ୍ରୱାଲ, ଉପ ସଭାପତି ପ୍ରଦୀପ ବାଗଙ୍କ ସମେତ କର୍ମକର୍ତ୍ତାମାନେ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି l
