ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ବଲାଙ୍ଗୀର ଜିଲ୍ଲା ସଇଁତଲାରେ ନୂତନ ଥାନାଧିକାରୀ ଭାବେ ସୁଶାନ୍ତ କୁମାର ବଢ଼େଇ ଯୋଗ ଦେଇଛନ୍ତି। ତାଙ୍କୁ ମଙ୍ଗଳବାର ସଇଁତଲା କାର୍ଯ୍ୟରତ ସାମ୍ବାଦିକ ସଂଘ ତରଫରୁ ସମ୍ବର୍ଦ୍ଧନା ଦିଆଯାଇଛି। ଏହି ଥାନାର ଅଧିକାରୀ ସୁଶାନ୍ତ କୁମାର ପ୍ରଧାନଙ୍କୁ ପାଇକମାଲ ଥାନାକୁ ବଦଳି ହୋଇଯାଇଛି। ବର୍ତମାନ ଥାନା ଅଧିକାରୀ ଶ୍ରୀ ବଢ଼େଇ ସେ ମଧ୍ୟ ବରଗଡ ଜିଲ୍ଲା ପାଇକମାଲ ଥାନାରେ କାର୍ଯ୍ୟରତ ଥିଲେ। ତାଙ୍କ ଯୋଗଦାନ ପରେ ସେ ଅଞ୍ଚଳରେ ଚାଲିଥିବା ବିଭିନ୍ନ ସମସ୍ତ ଅପରାଧିକ କାର୍ଯ୍ୟକଳାପରୁ ମୁକ୍ତ କରିବା ସହିତ ଅଞ୍ଚଳର ଲୋକଙ୍କୁ ଉଚିତ୍ ନ୍ୟାୟ ପ୍ରଦାନ କରାଯିବ ବୋଲି ଶ୍ରୀ ବଢେଇ କହିଥିଲେ।
ଏହି ପରିପେକ୍ଷୀରେ କାର୍ଯ୍ୟରତ ସାମ୍ବାଦିକ ସଂଘ ତରଫରୁ ଥାନାଧିକାରୀ ଶ୍ରୀ ବଢ଼େଇଙ୍କୁ ଫୁଲତୋଡା ସହ ଉପଢ଼ୋକନ ଦେଇ ସମ୍ବର୍ଦ୍ଧନା ଦିଆଯାଇଥିଲା। ଏହି ସମୟରେ ସଂଘର ମୁଖ୍ୟ ପରାମର୍ଶଦାତା ତଥା ଓଜେୟୁ ବଲାଙ୍ଗୀର ଜିଲ୍ଲା ସଭାପତି ପ୍ରମୋଦ ସେଲମା, ସଂଘ ସଭାପତି ନାରାୟଣ ସାହୁ, ସମ୍ପାଦକ ବିଶାଳ ଅଗ୍ରୱାଲ, ଉପ ସଭାପତି ପ୍ରଦୀପ ବାଗ, କୋଷାଧ୍ୟକ୍ଷ ଅଜିତ ସାହୁ, ସୁଶାନ୍ତ ମେହେର, ଚନ୍ଦ୍ରଭାନୁ ପ୍ରଧାନ, ରାମନାରାୟଣ ବାଗ, ଲକ୍ଷ୍ମୀକାନ୍ତ ସାହୁ ପ୍ରମୁଖ ଉପସ୍ଥିତ ଥିଲେ।
