କଳାହାଣ୍ଡି,୩/୧୨: ରୋଗପୋକ ଦାଉରୁ ରକ୍ଷା କରିପାରିନଥିବା ତଥା ଧାନ ଅମଳ ବେଳକୁ ଧାନ ଫସଲ ଠିକ ହେଇନଥିବାରୁ ନିଜ ଚାଷ ଜମିରେ ଗୋରୁ ପଲ ଛାଡ଼ିଲେ ସ୍ଥାନୀୟ ପାଇକପଡ଼ାର ଚାଷୀ ବାବୁଲା ଡ଼ାକୁଆ । ଧାନ ପାଇଁ ପରିଶ୍ରମ ସହ ଅର୍ଥ ବ୍ୟୟ କରିଥିଲେ କିନ୍ତୁ ରୋଗପୋକ ଦାଉରୁ ଧାନ ଫସଲକୁ ବଂଚାଇବା ସମ୍ଭବପର ହେଇପାରିଲାନି,ଏବେ ଅମଳ ବେଳକୁ ଦେଖିଲେ ପୁଣି ଯେତିକି ଅର୍ଥ ବ୍ୟୟ ହେବ ସେ ପରିମାଣରେ ଧାନ ଆୟ ହେବନାହିଁ ବୋଲି ଶେଷରେ ବାଧ୍ୟ ହେଇ ନିଜ ଫସଲକୁ ଜାଣି ଜାଣି ଗାଈଗୋରୁଙ୍କ ମୁହଁରେ ଛାଡ଼ିଦେଲେ । ବର୍ଷକର ଖାଇବା ଭରଣାକୁ ନେଇ ଚିନ୍ତାରେ ରହିଥିବା ଚାଷୀ ବାବୁଲାଙ୍କୁ କ୍ଷତି ପୂରଣ ଦେବାକୁ ବିଭିନ୍ନ ମହଲରେ ଦାବି ହେଇଛି ।