ପିତା ମାତା ଆମ ପ୍ରଥମ ଗୁରୁ
ପାଦେ ତାଙ୍କ କୋଟି ଜୁହାର,
ପ୍ରଥମ ଶବ୍ଦ ଉଚ୍ଚାରଣ ଶିଖୁଁ
ପାଦ ଚଲା ଶ୍ରମେ ଯାହାର ।
ପିତାମାତା ମୋ ପ୍ରଥମ ଦେବତା
ପୟରେ ଆଶିଷ ବିହାର,
ପାଇ ଜୀବଦାନ ଦୁନିଆ ଦେଖିଲୁ
ପୂରଣ କି ଋଣ ତାଙ୍କର ।
ପରାନ୍ତ ସଂଚାର ମାତୃ ଗର୍ଭେ କଷ୍ଟ
ପୂର୍ଣ ନଅ ମାସ ପ୍ରଦାନ,
ପ୍ରସବ ବେଦନା ଠାରୁ ଆଉ ନାହିଁ
ପୃଥିବୀରେ କିଛି କଷଣ ।
ପାଏ ବେଶି କଷ୍ଟ ଯେ ହୁଏ ବଂଚିତ
ପୁତ୍ର ସେବା ବୃଦ୍ଧ କାଳେ
ପରମ ଅଯୋଗ୍ୟ ଅଟେ ସେ ସନ୍ତାନ
ପତିତ ତମ ମହୀତଳେ ।
ପତ୍ନୀ,ପୁତ୍ର ପାଇ ଭୁଲିଯାଏ ଯିଏ
ପ୍ରଶ୍ନ ଏତେ ତାଙ୍କୁ ମୋହର,
ପୁତ୍ର ଲବ୍ଧ ଶିକ୍ଷା ପ୍ରୟୋଗ କରିବ
ପରେ ଦୋଷ ହେବ କାହାର ?
ଯାଦବ ସବ୍ୟସାଚୀ ଥପା
ସହକାରୀ ଶିକ୍ଷକ
ଶ୍ରୀ ଜଗନ୍ନାଥ ଉଚ୍ଚ ବିଦ୍ୟାଳୟ, ମାଣ୍ଡେଲ
