ମାଟିର ମହକେ ମହକିତ ହୃଦ
ମାଟିର ସୁପୁତ୍ର ସେକି
ଜନ୍ମମାଟି ତାର ହୃଦୟ ଚନ୍ଦନ
ତା ପ୍ରେମେ ଉଠେ ପୁଂଜି ।
କଙ୍କର ମାଟିରୁ ଗଢ଼େସେ କୋଣାର୍କ
ମାଟିରେ ହସେ ଭାସ୍କଯ୍ଯ
ମାଟିରେ ଝରାଏ ଅମୃତ ଝରଣା
ଏମାଟି ପୁତ୍ର ସେ ଆଯ୍ଯ ।
ମାଟି ପାଇଁ କେବେ ଗୋପବନ୍ଧୁ ସାଜେ
ଦୈନ ଦୀନବନ୍ଧୁ ପାଇଁ
ପାଇକ ସାଜିସେ କରଇ ସମର
ରଣହୁଙ୍କାର ବା ଦେଇ ।
ଏଇ ମାଟି ପାଇଁ ଲେଖଇ କବିତା
ପେଟେ ଓଦା କନା ଦେଇ
ନିଜ ଜୀବନକୁ ନର୍କରେ ପକାଏ
ମାଟିର ଉଧାର ପାଇଁ ।
କିଏ ସେହି ପୁତ୍ର ଜାଣକି ଠିକଣା
ମାଟିରେ ଭିଜିଛି ରକ୍ତ
ତ୍ଯାଗ ବଳିଦାନ ନିସ୍ବାର୍ଥ ସେବକ
ସେହି ମାଟିର ଭକ୍ତ ।
କବିତା ମହାନ୍ତି
ପ୍ରଧାନ ଶିକ୍ଷୟିତ୍ରୀ ସାଇଲୋଝାରପଡା ଉପ୍ରାବିଦ୍ଯାଳୟ ,କଣ୍ଟାପଡା , କଟକ- ୭୫୪୦୦୩
ମୋ- ୭୦୭୭୯୩୦୦୭୫
