ଓଡ଼ିଆ ବାର୍ତ୍ତା/ ବାଲେଶ୍ୱର: ଶକ୍ତିମନ୍ତ୍ରୀ ପ୍ରତାପ ଦେବଙ୍କ ସଭାରେ କଟିଗଲା ବିଜୁଳି । ବାଲେଶ୍ୱର ବାହାନଗା ଠାରେ ଶକ୍ତିମନ୍ତ୍ରୀ ପ୍ରତାପ ଦେବ ଶ୍ରଦ୍ଧାଞ୍ଜଳି ସଭାରେ ଯୋଗ ଦେଇଥିବାବେଳେ ହୋଇଥିଲା ବିଜୁଳି କାଟ୍ । କାଳବୈଶାଖୀ ନ ଥାଇ ପାଗ ଭଲ ଥିିବା ସତ୍ତେ୍ୱ ବିଦ୍ୟୁତ୍ କଟିଛି । ବିଜୁଳି କଟିବା ପରେ ଜେନେରେଟର ଯୋଗେ ଚାଲିଲା ସଭାକାର୍ଯ୍ୟ । ସଭାରେ ଶକ୍ତି ମନ୍ତ୍ରୀ ସହ ବହୁ ବରିଷ୍ଠ ମନ୍ତ୍ରୀ ଉପସ୍ଥିତି ଥିଲେ । ତେବେ ବିଜୁଳି କଟିବା ନେଇ ଗଣମାଧ୍ୟମ ପ୍ରଶ୍ନ କରିବାରୁ ଏଡାଇ ଯାଇଥିଲେ ଶକ୍ତି ମନ୍ତ୍ରୀ । ପାୱାର କଟ୍ କୁ ନେଇ ଗତ କିଛି ଦିନ ହେବ ବାରମ୍ବାର ସମାଲୋଚିତ ହେଉଛନ୍ତି ଶକ୍ତିମନ୍ତ୍ରୀ । ସେ ଏହାକୁ ପାୱାର୍କଟ ନକହି ରାଜ୍ୟରେ ଭିତିଭୂମି ଦୁର୍ବଳ ଥିବା କହି ଆସୁଛନ୍ତି । ଅପରପକ୍ଷେ ବିଜୁଳି କାଟ ସମସ୍ୟା ନେଇ ସୋମବାର ଲୋକସେବା ଭବନରେ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା । ବିଜୁଳି କାଟ ସମସ୍ୟାକୁ ଦୂର କରିବା ପାଇଁ ତତକାଳ ପଦକ୍ଷେପ ନେବା ପାଇଁ ଶକ୍ତି ବିଭାଗ ଓ ବିଦ୍ୟୁତ ବିତରଣ କମ୍ପାନୀଙ୍କୁ ନିର୍ଦ୍ଦେଶକ ଦେଇଛନ୍ତି ମୁଖ୍ୟ ଶାସନ ସଚିବ ।
