ଓଡ଼ିଆ ବାର୍ତ୍ତା/ କଲ୍ୟାଣସିଂହପୁର (ପଦ୍ମନ ଭତ୍ରା): ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସଦର ପଞ୍ଚାୟତ ଏକ ନମ୍ବର ୱାର୍ଡରେ ରହି ଆସୁଥିବା କୁମାର ବିବରଙ୍କ ପୁଅ ହିମେଶ ବିବର ଆଇ.ଆଇ.ଟି ଖଡଗପୁରରେ ଅଧ୍ୟୟନ ନିମନ୍ତେ ପ୍ରବେଶ ପରୀକ୍ଷାରେ ଚୟନ ହୋଇଥିବା ଜଣାପଡିଛି । ଏନ.ଟି.ଏ ପକ୍ଷରୁ କରାଯାଇଥିବା ଏନ.ସି. ଇ.ଟି ପରୀକ୍ଷା ଭୁବନେଶ୍ୱରଠାରେ ଏପ୍ରିଲ ୨୫ ତାରିଖରେ ଅନୁଷ୍ଠିତ ହୋଇଥିଲା । ଏଥିରେ ରାୟଗଡା ଜିଲାରୁ ତିନି ଜଣ ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇଥିବାବେଳେ କଲ୍ୟାଣସିଂହପୁର ବ୍ଲକର ଓଡିଶା ଆଦର୍ଶ ବିଦ୍ୟାଳୟର ଛାତ୍ର ହିମେଶ ମୋଟ ୫୭୫ ମାର୍କ ଆଣି ସରକାରଙ୍କ ପକ୍ଷରୁ ଆଇ.ଆଇ.ଟି ଖଡଗପୁରରେ ଅଧ୍ୟୟନ ନିମନ୍ତେ ଚୟନ ହୋଇଛନ୍ତି । ଏହି ଖବର ପାଇବା ପରେ କଲ୍ୟାଣସିଂହପୁର ଓଡିଶା ଆଦର୍ଶ ବିଦ୍ୟାଳୟର ଅଧ୍ୟକ୍ଷ ସଙ୍ଗୀତ ପାଲକା, ଅଧ୍ୟାପକ ଅଧ୍ୟାପିକା, ଅଭିଭାବକ, ଛାତ୍ର ଛାତ୍ରୀ,ପିତା ମାତା,ଗ୍ରାମବାସୀ ଓ ବ୍ଲକବାସୀ ଖୁସି ହୋଇ ଉନ୍ନତ ମାନର ଶିକ୍ଷା ଗ୍ରହଣ କରିବା ସହ ବ୍ଲକ ଓ ବିଦ୍ୟାଳୟର ନାମ ରଖିଥିବାରୁ ଆଶୀର୍ବାଦ ଦେଇଛନ୍ତି ।
