ଓଡ଼ିଆ ବାର୍ତ୍ତା/ ଟିଟିଲାଗଡ: ବିଜେପି ଓବିସି ମୋର୍ଚ୍ଚାର ନବନିଯୁକ୍ତ ବଲାଙ୍ଗୀର ଜିଲ୍ଲା ସଭାପତି ମନୋଜ ହାତୀଙ୍କୁ ଟିଟିଲାଗଡ ଯୁବ ଯାଦବ ମହାସଭା ତରଫରୁ ଭବ୍ୟ ସମ୍ବର୍ଦ୍ଧନା ଜ୍ଞାପନ କରାଯାଇଛି। ଯୁବ ସଂଗଠକ ଦିନେଶ କୁମାର ନାଗ, ଭିଷ୍ମସେନ୍ ମହାକୁର, ନୀଳମଣି ଦୀପ, ହରିଶ ବଗର୍ତ୍ତୀ, ରାଜା ବଗର୍ତ୍ତୀ ପ୍ରମୁଖ ଶ୍ରୀ ହାତୀଙ୍କୁ ସାକ୍ଷାତ କରି ଶୁଭେଚ୍ଛା ଜଣାଇବା ସହ ସମ୍ବର୍ଦ୍ଧିତ କରିଥିଲେ। ଏଠାରେ ଉଲ୍ଲେଖଯୋଗ୍ୟ ଯେ, ଜଣେ ବହୁମୁଖି ପ୍ରତିଭାର ଅଧିକାରୀ ମନୋଜ ହାତୀ ପେସାରେ ଜଣେ ଓକିଲ ହୋଇଥିବାବେଳେ ବର୍ତ୍ତମାନ ଉତ୍କଳ ଯାଦବ ମହାସଭାର ସମ୍ପାଦକ ଭାବେ କାର୍ଯ୍ୟ କରୁଛନ୍ତି। ଜଣେ ଦକ୍ଷ ସଂଗଠକ ଭାବରେ ପୂର୍ବରୁ ସେ ବହୁ ଛାତ୍ର ଆନ୍ଦୋଳନ, ଭାରତୀୟ ମଜଦୂର ସଂଘ୍, ଓବିସି ଆନ୍ଦୋଳନ ସହ ଓତଃପ୍ରୋତ ଭାବେ ଜଡ଼ିତ ହୋଇ ଆସିଛନ୍ତି। ଏହି ଭଳି ଦକ୍ଷ ନେତାଙ୍କୁ ବିଜେପି ଓବିସି ମୋର୍ଚ୍ଚା ଜିଲ୍ଲା ସଭାପତି କରିଥିବାରୁ ଟିଟିଲାଗଡ ଯୁବ ଯାଦବ ମହାସଭା ତରଫରୁ ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ, ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼ଃ ମୁକେଶ ମହଲିଁଙ୍ଗ, ବଲାଙ୍ଗୀର ସାଂସଦ ସଂଗୀତା କୁମାରୀ ସିଂଦେଓ, କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ, ଟିଟିଲାଗଡ ବିଧାୟକ ନବୀନ କୁମାର ଜୈନ ଏବଂ ଜିଲ୍ଲା ସଭାପତି ଶ୍ରୀଯୁକ୍ତ ଶ୍ରୀବତ୍ସ ବେହେରାଙ୍କୁ ସାଧୁବାଦ ଓ କୃତଜ୍ଞତା ଜଣାଇଛନ୍ତି।
