ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ରାଜ୍ୟ ସରକାର ମଙ୍ଗଳାବର ଦିନ ଆଇଏଏସ ସ୍ତରରେ ଏକ ବଡ ଧରଣର ଅଦଳବଦଳ କରିଛନ୍ତି। ଏହି କ୍ରମରେ ବଦଳିଛନ୍ତି ସୁବର୍ଣ୍ଣପୁର ଜିଲ୍ଲାପାଳ ତଥା ଆଇଏଏସ ଅଧିକାରୀ ଅନ୍ୟା ଦାସ । ସେହିପରି ୧୯୯୨ ବ୍ୟାଚର ଓଏଏସ ଅଧିକାରୀ ତଥା ବର୍ତ୍ତମାନର ସମ୍ବଲପୁର ବିଶ୍ବବିଦ୍ୟାଳର ରେଜିଷ୍ଟାର ନୃପରାଜ ସାହୁଙ୍କୁ ସୁବର୍ଣ୍ଣପୁର ଜିଲ୍ଲାର ନୂତନ ଜିଲ୍ଲାପାଳ ଭାବେ ଦାୟିତ୍ଵ ମିଳିଥିବା ବେଳେ ସେ ଚଳିତ ସପ୍ତାହରେ ଯୋଗ ଦେଇ ପାରନ୍ତି । ଏହି ଖବର ପ୍ରସାରିତ ହେବା ପରେ ସେ ଜଣେ ସଂସ୍କୃତି ସମ୍ପର୍ଣ୍ଣ ତଥା ସାହିତ୍ୟିକ ବୋଲି ବିଭିନ୍ନ ମହଲରୁ ତାଙ୍କ ପ୍ରତି ସାମାଜିକ ଗଣମାଧ୍ୟମରେ ଶୁଭେଚ୍ଛାର ସୁଅ ଛୁଟିଛି । ପ୍ରଶାସନିକ ଅଧିକାରୀ ଭାବେ ତାଙ୍କର ଖ୍ୟାତି ରହିଥିବା ମଧ୍ୟ ଚର୍ଚ୍ଚା ହେଉଛି । ସେହିପରି ସୁବର୍ଣ୍ଣପୁର ଜିଲ୍ଲାପାଳ ଅନ୍ୟା ଦାସଙ୍କୁ ସ୍ୱାସ୍ଥ୍ୟ ବିଭାଗର ଉପ-ସଚିବ ଭାବେ ବଦଳି ହୋଇ ଥିବା ଜଣାପଡ଼ିଛି ।
