ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): ଜାତୀୟ ରାଜପଥର କୋକସରା ବ୍ଲକ କୁସୁମଖୁଣ୍ଟି-ଡଙ୍ଗରୀଗୁଡା ରାସ୍ତା ମଝିରେ ମଙ୍ଗଳବାର ଏକ ୪୦୭ ପିକ୍ଅପ୍ ଭାରସାମ୍ୟ ହରାଇ ଓଲଟି ପଡିଛି। ଦୁର୍ଘଟଣାରେ ଡ୍ରାଇଭର ରଣମାଲ ଗ୍ରାମର ପପୁ ସାହୁ ଓ ହେଲପର ସୂର୍ଯ୍ୟ ପ୍ରଧାନ ଆହତ ହୋଇଥିବା ଜଣାପଡ଼ିଛି। ଆଜି ସନ୍ଧ୍ୟାରେ ଲଡୁଗାଁରୁ କିରାନ ସାମଗ୍ରୀ ବୋଝେଇ କରି ଜୟପାଟଣା କରଞ୍ଜିଗୁଡା ଗ୍ରାମର ଗାଡ଼ି ମାଲିକ ଶ୍ରୀକାନ୍ତ ସାହୁଙ୍କ ୪୦୭ ଗାଡ଼ି କରଞ୍ଜିଗୁଡାକୁ ଯାଉଥିଲା। ତେବେ ଜାତୀୟ ରାଜପଥର କୁସୁମଖୁଣ୍ଟି ଡଙ୍ଗରୀଗୁଡା ମଝିରେ ସାମାନ ବୋଝେଇ ୪୦୭ ଗାଡ଼ି ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡିଥିଲା। ସ୍ଥାନୀୟ ଲୋକେ ଡ୍ରାଇଭର ଓ ହେଲପରଙ୍କୁ ଉଦ୍ଧାର କରି କୋକସରା ପୁଲିସକୁ ଖବର ଦେଇଥିଲେ। ପରେ ଆମ୍ବୁଲାନ୍ସ ଯୋଗେ ସେମାନଙ୍କୁ କୋକସରା ଡାକ୍ତରଖାନାକୁ ନିଆଯାଇଥିଲା। ତେବେ ଉଭୟ ଡ୍ରାଇଭର ଓ ହେଲପର ସାମାନ୍ୟ ଆହତ ହୋଇଥିବା ଜଣାପଡ଼ିଛି।
