ଓଡ଼ିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ସୁବର୍ଣ୍ଣପୁରର ନୂତନ ଆରକ୍ଷୀ ଅଧୀକ୍ଷକ ଭାବେ ବୁଧବାର ୟଶ ପ୍ରତାପ ଶ୍ରୀମଲ (ଆଇପିଏସ) ଯୋଗଦାନ କରିଛନ୍ତି। ଶ୍ରୀ ଶ୍ରିମଲ ପୁର୍ବରୁ କେସିଙ୍ଗା ଓ ବାଲିଗୁଡା ଠାରେ ଏସଡିପିଓ ଭାବେ ଦକ୍ଷତାର ସହ କାର୍ଯ୍ଯ କରିଛନ୍ତି। ସୁବର୍ଣ୍ଣପୁର ସହର ତଥା ଜିଲ୍ଲାରେ ଟ୍ରାଫିକ, ଆଇନ ଶୃଂଖଳା, ରାହାଜାନୀ, ଛିନ୍ତାଇ, ସାଇବର କ୍ରାଇମ୍, ଗଞ୍ଜେଇ ଚୋରା ଚାଲାଣ, ତଥା ସଟ୍ଟା ଜୁଆ ଖେଳକୁ ନିୟନ୍ତ୍ରଣ କରିବାକୁ ଓ ଯୁବ ପିଢୀଙ୍କୁ ଭଲ ମାର୍ଗକୁ ଆଣିବାକୁ ପ୍ରୟାସ ଜାରି ରଖିବି ବୋଲି ଏବଂ ଜିଲ୍ଲାର ବିଭିନ୍ନ ଜାଗାକୁ ଅଚାନକ ପରିଦର୍ଶନ କରି ଜିଲ୍ଲା ପୋଲିସକୁ ସକ୍ରିୟ କରି ଅସାମାଜିକ କାର୍ଯ୍ଯକଳାପକୁ ରୋକିବି ବୋଲି ମିଡିଆକୁ ସେ ପ୍ରତିଶୁତି ଦେଇଛନ୍ତି। ଏହା ସହିତ ଆଗାମୀ ନିର୍ବାଚନକୁ ଶାନ୍ତି ଶୃଙ୍ଖଳା ଓ ନିରପେକ୍ଷ ଭାବେ ପରିଚାଳନା କରିବାକୁ ପ୍ରସ୍ତୁତି ଆରମ୍ଭ କରିଛୁ ବୋଲି କହିଥିଲେ। ଏସବୁ ଦିଗରେ ସଫଳତା ପାଇଁ ମିଡ଼ିଆ ଓ ଜିଲ୍ଲାବାସୀଙ୍କ ସହଯୋଗ କାମନା କରିଛନ୍ତି ନୂତନ ଏସପି।
