ପୂର୍ବ ଶତ୍ରୁତାକୁ କେନ୍ଦ୍ର କରି ହତ୍ୟାକାଣ୍ଡ; ଅଭିଯୁକ୍ତ ଅଟକ

ଘଟଣାସ୍ଥଳରେ ସାଇଣ୍ଟିଫିକ ଟିମ ଓ ପୋଲିସର ତଦନ୍ତ ଆରମ୍ଭ

ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ପୂର୍ବ ଶତ୍ରୁତାକୁ କେନ୍ଦ୍ର କରି ଶୁକ୍ରବାର ଅପରାହ୍ନରେ ନିଜ ବଡ଼ ଭାର ଙ୍କୁ ଧରୁଆ ଅସ୍ତ୍ର ହତ୍ୟାକଲା ସାନ ଭାଇ l ଏଭଳି ଏକ ଅଭାବନୀୟ ଘଟଣା ଘଟିଛି ବଲାଙ୍ଗୀର ଜିଲ୍ଲା ସଇଁତଲା ଥାନା ମହଗାଁ ଗ୍ରାମରେ l ମୃତ ବ୍ୟକ୍ତି ନାମ ବେଲାର ରଣା (୫୪) ବୋଲି ଜଣାପଡିଛି l ଘଟଣାସ୍ଥଳରେ ବଲାଙ୍ଗୀର ସାଇଣ୍ଟିଫିକ ଟିମ , ଟିଟିଲାଗଡ଼ ଏସଡିପିଓ ଅଙ୍କିତା କୁମ୍ଭାର ଓ ସଇଁତଲା ଆଇଆଇସି ସୁଶାନ୍ତ ପ୍ରଧାନ ପହଂଚି ଘଟଣାର ତଦନ୍ତ ଆରମ୍ଭ କରିଛନ୍ତି l ଏ ନେଇ ପୋଲିସ ଅଭିଯୁକ୍ତ ସୁନାଧର ରଣା (୪୦) ଙ୍କୁ କାବୁ କରି ଏକ ମାମଲା ରୁଜୁ କରିଛି l ପ୍ରକାଶ ଯେ, ଗତ ସେପ୍ଟେମ୍ବର ମାସରେ ବେଲାର ରଣା ଭାଇ ଙ୍କ ନାତି (୩) ଙ୍କୁ ସୁନାଧର ରଣା ଏକ ଠେଙ୍ଗାରେ ମରଣାନ୍ତକ ଆକ୍ରମଣ କରି ଟିଟିଲାଗଡ଼ ଜେଲ ଯିବାକୁ ପଡିଥିଲା l ସେ ଗତ ନୂଆଖାଁଇ ସମୟରେ ଜେଲରୁ ବାହାରି ଜିଲ୍ଲା ବାହାରକୁ କାମଧନ୍ଦା କରିବା ପାଇଁ ଯାଇଥିଲେ l ହେଲେ ସେ ଗତ ୮/୧୦ ଦିନ ହେବ ଗାଁକୁ ଫେରିଥିଲେ l ଘଟଣା ଦିନ ଅପରାହ୍ନ ସମୟରେ ମହଗାଁ ୨୬ ଜାତୀୟ ରାଜପଥ ନିକଟସ୍ଥ କୁକୁଡ଼ା ଦୋକାନ ଠାରେ ହତ୍ୟାକାଣ୍ଡ ଘଟିଥିଲା l ଅଭିଯୁକ୍ତ ଜଣକ ଏକ ଧାରୁଆ ଅସ୍ତ୍ରରେ ବେଲାର ଙ୍କ ଶରୀର ବିଭିନ୍ନ ସ୍ଥାନରେ ହାଣିଥିଲେ l ଘଟଣାସ୍ଥଳରେ ବେଲାର ପଡ଼ିଥିବା ବେଳେ ଘଟଣାର ଖବର ପାଇଁ ପୋଲିସ ପହଂଚି ଡାକ୍ତରଖାନାକୁ ଆଣିଥିଲେ l ସେଠାରେ ଡାକ୍ତର ବେଲାରଙ୍କୁ ମୃତ ଘୋଷଣା କରିଥିଲେ l ବର୍ତମାନ ପୋଲିସ ସୁନାଧର ଅଟକ ରଖି ବିଭିନ୍ନ ଦିଗକୁ ନେଇ ତଦନ୍ତ ଚଲାଇଛି l