ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ବଲାଙ୍ଗୀର ଜିଲ୍ଲା ସଇଁତଲା ଥାନା ବେଲଗାଁ ଫାଣ୍ଡି ସ୍ଥିତ କୁଶମଖାଲ ପାଣିଟାଙ୍କି ଠାରେ ଶୁକ୍ରବାର ସନ୍ଧ୍ୟାରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି l ଏଥିରେ ୨ ଜଣ ଙ୍କ ମୃତ ଘଟିଥିବା ବେଳେ ୨ ଜଣ ଗୁରୁତର ହୋଇଛନ୍ତି l ମୃତ ଯୁବକ ଦ୍ବୟଙ୍କ ନାମ ଦେବୀଲାଲ ମାଝୀ (୪୦) ଓ ନଳିନୀ ମାଝୀ (୪୦) କେନ୍ଧୁପଡା ମୁସ୍କୁଟି ଗ୍ରାମର ବୋଲି ଜଣାପଡିଛି l ଆହତ ବ୍ୟକ୍ତି ହେଲେ ରାମକୃଷ୍ଣ ମାଝୀ (୨୫) ଓ ଅଞ୍ଜନ ମାଝୀ ଉଭୟେ ରୁପ୍ରା ଓ ମୁସ୍କୁଟିର ବୋଲି ଜଣାପଡିଛି l ପ୍ରକାଶ ଯେ, ସନ୍ଧ୍ୟା ସମୟରେ ସଇଁତଲା ପଟୁ ଏକ କାର ଯୋଗେ ଜଣ ମହିଳା ସହ ୩ ଜଣ ଯୁବକ ସଇଁତଲା ପଟୁ କଳାହାଣ୍ଡି ଜିଲ୍ଲା ମୁସ୍କୁଟି ଓ ରୁପ୍ରା ଅଞ୍ଚଳକୁ ଅଭିମୁଖରେ ଯାଉଥିଲେ l ଏହି ସମୟରେ ବେଲଗାଁ ପଞ୍ଚାୟତ ସ୍ଥିତ କୁଶମଖାଲ ୨୬ ନମ୍ବର ଜାତୀୟ ରାଜପଥ କଡ଼ରେ ପାଖରେ ଥିବା ପାଣିଟାଙ୍କି ଆଡକୁ ଡ୍ରାଇଭର ଜଣକ ଭାରସାମ୍ୟ ହରାଇ ବସିବା ଯୋଗୁଁ ଗାଡି ଓଲଟି ପଡିଥିଲା l ଘଟଣାସ୍ଥଳକୁ ସଇଁତଲା ପୋଲିସ ପହଂଚି ମୃତ ଓ ଗୁରୁତର ବ୍ୟକ୍ତିଙ୍କୁ ଉଦ୍ଧାର କରି ସଇଁତଲା ଡାକ୍ତରଖାନାକୁ ଆଣିଥିଲେ l
